Bildiyiniz kimi, Azərbaycanın bütün regionlarına, ucqar kənd və rayonlarına Xızır baba uşaqların ondan istədikləri hədiyyələri, Xızır Baba könüllüləri vasitəsilə çatdırır. Bu dəfə isə “Xızır Baba təqaüdü”ü elan edilib.
Təqaüd proqramı ailə vəziyyəti ağır, eyni zamanda çalışqan, təhsil almağa həvəsli abituriyent və tələbələr üçün nəzərdə tutulub. Proqram 2 seçim mərhələsindən ibarət olacaq online müraciət və müsahibə mərhələsi.
Müraciət forması:
1. Tərcümeyi hal
2. Motivasiya məktubu
3. Şəxsiyyət vəsiqəsinin skanı
4. Şəkil
5. Akademik göstəriciləri bildirən məlumat (abituriyentlər illik qiymət cədvəli, təbələr smestr ballarının qiymət cədvəlini).
6. Şəhid/qazi övladları əlavə olaraq faktı təsdiq edən sənədi əlavə etmələri rica olunur.
Tələb olunan sənədləri info@xizirbaba.az mail ünvanına göndərməyiniz xahiş olunur.
SON MÜRACİƏT TARİXİ 20.02.2021
Təqaüd məbləği aylıq 50 (və ya 100, himayəçi sayına görə) AZN, tələbə/abituriyentlər üçün nəzərdə tutulub.
Siz onlara necə kömək edə bilərsiniz?
Təqaüd proqramı bir himayədar (dəstəkçi) üçün bu ilə özəl 4 aylıq olacaq. Yəni siz özünüzə uyğun 4 aylıq hər ay ödəyə biləcəyiniz bir məbləğ təyin edib onlara deyirsiniz. Hər ay sizin yatırdığınız bu məbləği onlar digərləri ilə birləşdirib təqaüdçülərə çatdırırlar. Təqaüdçüləri seçmək üçün xüsusi nəzarət qrupları olsa da, siz də onlara bu işlərdə istəsəniz qoşula bilərsiniz. Bundan əlavə, onlara həm ehtiyaclı məktəbli / tələbələrin, həm də bu proqrama dəstək ola biləcək başqa insanların da tapılmasında yardımçı ola bilərsiniz.
Ötən il 20 nəfərlə başlamışdılar. Pandemiyaya qədər normal davam edirdilər. Bu il də davam etmək istəyirlər, əslində dərs ilinin əvvəli başlamaq haqqında elan verdilər, amma müharibə və pandemiyanın şiddətlənməsi onları ləngitdi.
Təqaüd verəcəkləri tələbə və abituriyent sayı himayəçilərin verəcəyi ümumi məbləğdən asılı olacaq.
Hədəf minimum 20 nəfərdir.
Təqaüd verəcəyimiz gənclərin müraciət sayına əsasən 50%-ni şəhid və qazi övladları arasından seçməyi planlanıb. Himayəçi kimi dəstək olmaq istəyən dostlar da yuxarıda qeyd olunan elektron poçt ilə öz istəyini göndərə bilər.
