İnsanlar arasındakı əlaqələrdə ən əsas duyğulardan biri güvəndir. Şəxsi münasibətlərimizdə, iş həyatında və ya digər istənilən sahədə güvən anlayışı böyük əhəmiyyət kəsb etməkdədir. Məhz güvən hissinə görə qarşımızdakı insanla ünsiyyət qurmaq, əməkdaşlıq etmək istəyərik. Bununla da deyə bilərik ki, güvən hər hansı bir iş, yaxud qarşılıqlı əlaqələrin bünövrəsidir.
Müəssisələr və şəxslərin hökumətə, sığorta agentliklərinə, supermarketlərə güvənməyə ehtiyacı var. Bu duyğunun oynadığı rol istehlakçı və istehsalçılar arasında da olduqca önəmlidir. Şirkətlərin marketinq və satış fəaliyyətlərində etibarlılıq hissinin yaradılması sayəsində alıcıların məhsul və xidmətlərlə bağlı neqativ düşüncələri dəyişə bilir. Güvən, davamlı olaraq alıcıları cəzb etmək və mövcud müştəriləri əldə saxlamaq üçün ən ideal vasitələrdən biridir.
Güvən anlayışının ön planda olduğu Trust-based marketing, doğru və önyarğıdan kənar bilgi paylaşımına dayanan təşviqi yanaşmadır. Buna digər bir deyişlə, güvən marketinqi də deyilir. Trust-based marketing, alıcıların verəcəyi qərara birbaşa təsir etməni özündə əks etdirir. Alıcıları inandırmaq və riskləri dəf edərək onları məhsul və xidməti almağa cəsarətləndirmək yönündə güvən marketinqinin böyük təsiri var. Bir çox hallarda güvən duyğusu əlaqələr marketinqinin ayrılmaz parçası kimi qəbul edilir. Çünki, əlaqələr marketinqi açıq bir şəkildə müştəri sədaqətinə bağlıdır. Sadiq və təkrarlanan müştəri şirkət gəlirliliyinin təminatıdır. Müştəri sədaqəti isə güvən nəticəsində yaranır.
Güvən marketinqindən istifadə etməklə onun təqdim etdiyi bəzi faydalardan yararlanmaq olar. Gəlin, onun faydalarına birlikdə baxaq.
1. Uzun müddətli müştəri bazası
Bir dəfə bu marketinqin texnikalarını tətbiq etdiyimiz müştərilərin sonradan çox uzun müddət ərzində müştərimiz olaraq qalacağı inkar edilə bilməz.
2. Azaldılmış reklam xərcləri
Aydındır ki, reklamlar təşviqatın aparılması üçün effektiv bir vasitələrdir. Lakin uyğun reklam kanalının seçilməsi, keyfiyyətli reklamın hazırlanması və bunun kimi digər bir çox işlər investisiya tələb edir. Trust-based marketinq isə davamlı investisiya tələb etmir və faydasını təkrar-təkrar almaq olur.
3. Davamlı inkişaf
Trust-based marketinq inkişaf yönündə də müxtəlif imkanlar vəd edir. Məhsul satışlarından gələn gəliri artırmaq, şirkəti irəli səviyyəyə çatdırmaq üçün seçə biləcəyiniz ideal vasitədir.
4. Daha az zərər
Bu marketinq texnikalarından əldə edə biləcəyiniz ən yaxşı üstünlüklərdən biri, digər marketinq üsulları ilə müqayisədə itki ehtimalının daha az olmasıdır. Ona görə ki, çox müsbət nəticələr verir və çox pul yatırmaq məcburiyyətində deyilsiniz.
5. Etibarlı xidmət
Əgər güvən əsaslı marketinqdən istifadə edirsinizsə, insanlar verilən məhsul ilə yanaşı göstərdiyiniz əlavə xidmətə də etibar edəcəklər. Məhsulunuzdan, göstərilən xidmətinizdən razı qalan müştərilər yenidən ehtiyac duyduqda sizə müraciət edəcəklər. Hətta, başqa məhsul və xidmətinizlə də maraqlanacaqlar.
Beləliklə, marketinq strategiyaları arasında seçdiyiniz güvən marketinqi texnikaları tədricən öz effektini göstərəcək.
Mənbə: in-biz.net/
Marketinq və reklam əlaqələrinin psixiatrik əsasları haqqında məqaləyə nəzər yetirmək üçün buraya klikləyin.
