Travel bloggerlər dünyanın müxtəlif ölkələrinə səyahət edərək təcrübə toplayan və bu səyahətlər haqqında təcrübələrini paylaşan, müxtəlif onlayn və oflayn mənbələrdən gəlir əldə edən insanlardır.
Faktiki olaraq səyahət və bloq yazma prosesi heç bir əmək haqqı ilə nəticələnməsə də, müxtəlif üsullarla gəlir əldə etmək olar. İlk olaraq reklamdan. Minlərlə izləyicisi olan məşhur bir blog saytı həm məhsul tədarükçüləri, həm də turizm istiqamətləri üçün dəyərli marketinq kanalı ola bilər. Məsələn, bir otel və bir bloggerlə əlaqə saxlayaraq xidmətlərinə dair müsbət rəy, paylaşım müqabilində onlara pulsuz bir qonaqlıq təklif edə, digər şirkətlər bloggerə pulsuz səyahət avadanlığı təmin edə və ya sadəcə saytda reklam verə bilərlər.
Bəs azərbaycanlı travel bloggerlər kimlərdir? Onlar səyahətləri üçün nə qədər xərcləyiblər?
Sizin üçün bu mövzuda bloggerlər arasında kiçik araşdırma aparmışıq.
Sizə Azərbaycanda ən çox izlənən travel bloggerlərin siyahısını təqdim edirik (instagram hesablarını) :
1. vuqarla_bap_balaca_dunya – 45.1k izləyici sayı ilə ən böyük səyahət bloqlarından biridir. Vüqar bəydən aldığımız məlumata əsasən, o 76 ölkə,143 şəhər gəzib və bu səyahətlərə ümumilikdə 96.200 azn xərcləyib.
2. jala.alakbarova – 19.3k izləyici sayı ilə ən çox izlənən və maraq göstərilən bloggerlərdən biri olmağı bacarır. 25 ölkədə, həmçinin 80-dən daha çox şəhərdə olan Jalə xanım, əsasən mərkəzi və cənubi Avropanı gəzib. Jalə xanım deyir ki, ”Xərclər müxtəlifdir, misal üçün son İordaniya səfərinə 900 AZN xərcləmişəm. Tiflis – Milan – Amman, 4 gecə İordaniyada, 1 gecə Milanda olmaq şərti ilə bütün xərclər 900 azn civarı olub. 2016-cı ildə 12 gün 5 ölkə, 9 şəhərə 800 avro xərcləmişəm”. Jalə xanım həmçinin öz “uzaqsahillərdə.az” layihəsi ilə səyahət təcrübələrini bölüşür.
3. baba.aghayev – 12.5k izləyiciyə sahib olan Baba bəy turizm sahəsi üzrə mütəxəssisdir. Baba bəy deyir ki, “57 ölkə, 200-dən artıq şəhərə səyahət etmişəm. Xərcləri deməyim çətindir, amma rahat 2 dənə 2107, 2 dənə Niva, bir dənə də Çeşka ala bilərdim”. Baba bəy həmçinin Vizam.az və Pickvisa.com startaplarının təsisçisidir.
4. tarkan.tarlanzadeh – 11k izləyiciyə sahib olan Tərxan bəy daha çox ölkədaxili səyahətlər edir. Onu digər səyahətçilərdən fərqləndirən isə karavanla səyahət etməsidir. Tərxan bəy deyir ki, “Karavanla səyahətlərim zamanı 13-14 bölgədə olmuşam. Bunların bəzisində bir neçə gün gecələmişəm, bəzilərində isə gedib-qayıtmaqla səyahət etmişəm. Getdiyim yerlərin karavan üçün xüsusi parkları olmadığı üçün uzun müddət orada qalmağım biraz çətin olub. YouTube üzərindən isə Azərbaycanda karavan mədəniyyətini inkişaf etdirmək üçün səyahətlərimi vlog şəklində hazırlayıb yayımlayıram. Həmçinin kanalıma təcrübəli səyahətçiləri cəlb edərək, onlarla müxtəlif mövzular üzrə müzakirələr aparıb, səyahətsevərlər üçün faydalı mənbə və resurs yaratmağı hədəfləmişəm”. YouTube kanalına buraya klikləyərək daxil ola bilərsiniz.
5. gular-trawells – 4.4k izləyiciyə sahibdir.
6. farid.novruzi – 14.9k izləyiciyə sahibdir.
7. irada_gadirova – 42k izləyiciyə sahibdir.
8. gasimzades – 17.8k izləyiciyə sahibdir.
9. jafarovstravel –14.5k izləyiciyə sahibdir.
10. travelwithvafa – 2.3k izləyiciyə sahibdir.
11. aliakbarphotography – 7.9k izləyiciyə sahibdir.
12. rasim.aghazada – 900-ə yaxın izləyicisi olsa da, 36 ölkə və 6 kontinentə səyahət edib.
Audi ilə 4 saatlıq virtual Avstraliya səyahəti adlı yazımızı oxumaq üçün bura daxil olun.
