Müasir dövrdə gənclərin əksəriyyəti universitetdə oxumaq üçün çalışır. Uğura gedən yolda universitet oxumağın əhəmiyyətli olduğunu düşünür. Amma dünyada məşhur milyarderlərin uğur hekayəsinə nəzər salsaq, görərik ki, onların bəziləri ali təhsillərini yarımçıq qoyaraq xəyallarının ardınca gediblər. Amma bu o demək deyil ki, universiteti atan hər kəs uğurlu olacaq. Hər şey çox çalışmaq və əzmli olmaqdan asılıdır.
Bill Qeyts
Dünyanın ən zəngin 2-ci insanı, Microsoftun yaradıcısı Bill Qeyts 94,2 milyard dollar sərvətə sahibdir. 1975-ci ildə Harvard Universitetini ataraq Microsoft şirkətini qurmuşdur. Bunun səbəbi universitetdə oxumağın çətinliyi deyil, öz işini qurmaq istəyi olmuşdur.
Bill Qeyts qeyd edir: “Mən çalışsam da, zirvədə olmadım. Amma dünyanın ən məşhur universitetlərinin məzunları mənim işçilərimdir”.
Mark Zukerberq
Facebook-un qurucularından biri olan Mark Zuckerberg 87,8 milyard sərvət ilə dünyanın ən zəngin 3-cü insanıdır. Mark Harvard Universitetinə qəbul olanda Facebooku-u yaratmağa başlamışdı. Onu daha da inkişaf etdirmək üçün ikinci il universiteti tərk etdi. Hətta “The Facebook Effect” adlı bioqrafiyasına görə, universiteti atma qərarını verməsi üçün ona 5 dəqiqə vaxt lazım olmuşdur.
Lari Ellison
Larry Ellison onu övladlıq olaraq saxlayan anasının vəfatından sonra təhsilini yarıda buraxmışdır. O, İllinoys və Çikaqo kimi universiteti tərk etmişdir. Təxminən 61 milyard dollar sərvətə sahib olan Ellison bir müddət sonra “Oracle”ı yaradaraq təsilini yarıda buraxmış milyarderə çevrilmişdir.
Şeldon Adelson
Hazırda 26,8 milyard dollar sərvətə sahib olan Sheldon Adelson da universitet təhsilini yarımçıq qoymuş milyarderlər arasındadır. İlk işinə 12 yaşında qəzet satmaqla başlayan Adelson Nyu York Şəhər Kollecini tərk etmişdir. Bundan sonra o, 50-dən çox işlə məşğul olmuş, dünya milyarderlərindən birinə çevrilmişdir.
O qeyd edir: “Bir dəfə mən 25 milyard itirdim, sıfırdan başladım. Qorxu mənim üçün axmaqca bir şeydir”.
Maykl Del
23,6 milyard dollar sərvəti olan Maykl Del Ostin Texas Universitetində oxuyarkən kiçik biznesini qurmağa başladı. Amma öz işini görmək, əlavə vaxt itirməmək üçün universiteti tərk etdi. “Dell” şirkətinin qurucusu olan Maykl Del hazırda dünyanın zəngin insanları arasındadır.
Paul Allen
Təxminən 20 milyard dollar sərvəti olan Paul Allen də bu siyahıda yer alan milyarderlər sırasındadır. “Microsoft”un həm təsisçisi və investor olan Allen Vaşinqton Dövlət Universitetini atmışdır.
Stiv Cobs
Təhsilini yarımçıq qoymuş milyarderlər siyahısında gələn, Portlanddakı Reed Kollecində oxuyan Stiv Cobs 6 aydan sonra oranı tərk etmişdir. Səbəbi isə oxuduğu yerin qaydalarına əməl edə bilməməsi və ailəsinin artıq təhsil xərcləri çəkməsini istəməməsi olmuşdur.
Bundan sonra “Apple” şirkətini quraraq 10,2 milyard dollar sərvət sahibi olmuşdur. Həmçinin Cobs universiteti atmağın aldığı ən düzgün qərarlardan biri olduğunu qeyd etmişdir.
Jan Kum
10,1 milyard sərvət sahibi olan Jan Kum dünyanın ən böyük mobil mesajlaşma xidməti olan WhatsApp-ın yaradıcısıdır. Yahoo-da işləmək və internet sahəsində özünü inkişaf etdirmək üçün təhsilini yarıda buraxmışdır. Jan Kum təhsil almaqla itirdiyi vaxtın onu işindən yayındırdığını düşünərək bu addımı atmışdır.
Əslində, bu siyahını daha da uzatmaq olar. Çünki unutmaq olmaz ki, təhsilli olmaq uğurlu olmaq üçün əsasdır, amma şərt deyil.
Yoxsulluq içində yaşamış milyarderlər adlı yazımızı oxumaq üçün bura daxil olun
