Necə ünsiyyət qurmağımız və hansı ünsiyyət bacarıqlarımıza sahib olduğumuz ailə üzvləri ilə ünsiyyətimizlə, dostluq münasibətlərindəki davranış nümunələrimizlə, dünyanı dərk etmə tərzimizlə, şəxsiyyətimiz və maraqlarımızla birbaşa əlaqədardır. Bununla birlikdə, daha xoşbəxt, daha sağlam və razı olacağımız bir həyat üçün ünsiyyət bacarıqlarımızı həm şəxsi, həm də professional münasibətlərimizdə səmərəli istifadə etməyimiz və şiddətsiz ünsiyyət strategiyalarını öyrənməyimiz lazımdır.
Ünsiyyət bacarıqlarınızı inkişaf etdirmək üçün sizə lazım olan tək şey bunu həqiqətən istəmək və bir az səy göstərməkdir.
Ünsiyyət bacarıqlarınızı inkişaf etdirmək üçün bir sıra məqamları təqdim edirik:
- Birisi ilə söhbət edərkən və ya bir mövzunu müzakirə edərkən kompüter ekranı, televizor və telefon kimi diqqəti yayındıran şeylərdən uzaq olun.
- Fikirlərinizi sözlə ifadə etməzdən əvvəl onları dəqiqləşdirmək üçün özünüzə vaxt verin.
- Çatdırmaq istədiyiniz mesajı açıq və səmimi şəkildə qarşı tərəfə çatdırın.
- Sizi narahat edən vəziyyətləri qarşı tərəflə paylaşarkən qarşı tərəfin xarakterinə deyil, davranışlarına vurğu edin və davranışları üzərindən nümunə verin.
- Nəyə ehtiyac duyduğunuzu və necə hiss etdiyinizi qarşı tərəfə məsələni dolandırmadan deyin. “Buna ehtiyacım var, bunu istəyirəm, belə hiss edirəm” kimi ifadələrdən istifadə edin.
- Hiss etdiyiniz duyğuların sizə aid olduğunu qəbul edin və onların təzahürünün məsuliyyətini tamamilə qarşı tərəfin üzərinə atmaq əvəzinə öz üzərinizə götürün. Məsələn, “Mənə pis hiss etdirirsən” demək yerinə, “Bu şəkildə davrananda özümü pis hiss edirəm” kimi ifadələrdən istifadə etməyə çalışın.
- Özünüzlə danışdığınız qədər qarşı tərəfi dinləyin. Öz düşüncələrinizi bir müddət kənara qoymağa və qarşı tərəfin niyyətlərini, hisslərini, ehtiyaclarını və istəklərini anlamağa çalışın. Buna görə empatiya etməyi öyrənin.
- Yalnız ehtiyac duyduğunuz zaman, pis hiss etdiyiniz və ya problemləri həll etmək istədiyiniz zaman deyil, həm də yaxşı hiss etdiyiniz zaman ünsiyyət qurun. Təqdir etdiyiniz digər insanın davranışlarını və sizin üçün nə qədər vacib olduqlarını və sizi necə yaxşı hiss etdiklərini bölüşün.
- Ağzınızdan çıxan sözlər qədər bu sözlərin necə çıxdığına da diqqət yetirin. Səs tonunuza və əsas məqamları necə vurğuladığınıza diqqət yetirin.
- Haqlı olmaq və ya özünüzü müdafiə etmək üçün deyil, həll yolları tapmaq üçün əlaqə qurun.
- Nəticələri təxmin etmək əvəzinə qarşı tərəflə danışaraq anladığınızın doğruluğuna təsdiq alın.
- Söhbətlərinizdə gələcək və indiki məsələlərdən danışın, keçmişi keçmişdə qoyun.
- Münaqişənizin mərkəzində olan böyük problemə diqqət yetirin, xırda problemlərin fikrinizi yayındırmasına imkan verməyin.
Zorakı olmayan ünsiyyətin insan və cəmiyyətə təsiri
Ünsiyyət insan inkişafındakı ən vacib elementlərdən biridir. Bir insanın digər insanlarla qarşılıqlı əlaqəsi, gələcəkdə verəcəyi qərarlara, şəxsiyyətinə və insanlara baxışına təsir göstərir. Danışa bilən hər bir insanın düzgün ünsiyyət qurduğunu deyə bilmərik. Yaşadığımız və böyüdüyümüz cəmiyyət və ailə bizə özləri ilə ünsiyyət qurmağı öyrədir. Hansı vəziyyətdə reaksiya göstərməliyik və kimə qarşı necə davranmalıyıq kimi bəlkə də əsası olmayan davranışlar insanlara aşılanır.
Şiddət olmayan ünsiyyət insanın öz daxilində başlaya və inkişaf edə bilən bir şeydir, ancaq ünsiyyət birtərəfli deyil. Bu səbəbdən fərdin başlatdığı “Şiddətsizlik” təmasda olduğu hər kəsə təsir edir. Siyasi və ictimai həyatımızda xaotik və şiddətli bir dil ilə iç-içəyik, buna məruz qalan fərdlər olaraq, şiddətsiz ünsiyyəti ətrafımıza yaymaq, öz ünsiyyətimizi inkişaf etdirmək üçün edə biləcəyimiz ən böyük yaxşılıqlardan biri ola bilər.
“Böyük liderlərin 10 ünsiyyət sirri” adlı yazını oxumaq üçün linkə daxil olun
Mənbə:
https://medium.com
https://blog.e-bursum.com
https://irembray.com
