Hər gün ölkəmizdə və həmçinin bütün dünyada sürətlə yayılan Koronavirus pandemiyası ilə əlaqədar yeni bir inkişafla qarşılaşırıq. Bu işin mütəxəssisləri xəstəliyin müalicəsi və insanlarda aşkarlanması üçün vacib işlər görməkdədirlər. Bu gün araşdırmamız nəticəsində əldə etdiyimiz məlumata görə, Carnegie Mellon Universitetinin tədqiqatçılarından ibarət bir qrup, səs analizi ilə Koronavirusu aşkarlayan bir yol hazırladıqlarını bildiriblər. Mellon Universitetində hazırlanmış bu süni intellekt insanın səsini analiz edərək Koronavirusuna tutulub tutulmadığını aşkar edə bilər. Lakin, əlavə etmək lazımdır ki, bu yol hələ çox erkən mərhələdədir.
Carnegie Mellon universitetində bu layihə üzərində işləyən aspirant Benjamin Striner, “Hal-hazırda ucuz və sürətli diaqnoz üçün bir çox rəqabət mövcudur” demişdir. Striner, həmçinin, bu yöntəmin tətbiq olunmasının virusun yayılmasını izləmək üçün dəyərli bir vasitə ola biləcəyinə inandığını bildirib.
Səs analizi ilə virusun aşkarlanması
Smartfon və ya mikrofonlu bir komputeriniz varsa, tətbiqdən istifadə olduqca sadədir. Əvvəla, COVİD Səs Detektoru tətbiqindən istifadə etmək üçün sayta üzv olmalısınız. Üzv olduqdan sonra yaş, boy, çəki, cins kimi demoqrafik məlumatları sayta yerləşdirirsiniz. Sonra isə sizə bir neçə sual veriləcək. Koronavirus ilə bağlı bu suallarda öskürək və yüksək temperatur kimi şikayətlərin olub olmamasından tutmuş, daha əvvəl Koronavirus testi edib etmədiyinizə qədər bir neçə sual daxildir. Bu addımları bitirdikdən sonra isə səs analizinə keçə bilərsiniz.
Səs analizində əvvəlcə öskürmək lazımdır. 3 dəfə öskürdükdən sonra orada qeyd olunan hərfləri təkrar edirsiniz. Bacardığınız qədər “aaa”, “eee”, “ooo” demək lazımdır. Nəhayət, ingilis dilində 1-dən 20-ə qədər sayırsınız və test burada bitir.
Səs Detektoru hələ ki, təstiqlənməyib
Carnegie Mellon Universitetinin kompüter elmləri üzrə professoru Rita Singh, insan səslərində mikro imza təsvir edən psixoloji, fizioloji və hətta tibbi məlumatlar göstərən alqoritmlər yaratdığnı deyib. Singh, “Koronavirus xəstəliyinin öskürəyi məlumdur. Bu, ağciyərlərə o qədər pis təsir edir ki, nəfəs almada və digər vacib səs parametrlərində özünü büruzə verir” demişdir.
Lakin, paylaşılan məlumatlara görə, COVİD Səs Detektoru Qida və Dərman İdarəsi və ya Xəstəliklərə Nəzarət və Qarşısının alınması kimi qurumlardan heç birindən təsdiq almayıb. Bu yolun hər kəs tərəfindən istifadə edilə biləcəyi barədə isə hələ ki məlumat yoxdur.
