Demək olar ki, hər gün müəssisələr öz satış və marketinq qabiliyyətlərini artırmaqla rəqiblərini məğlub etmək istəyir. Bunun üçün də, şirkətlər arasında kəskin şəkildə rəqabət həyata keçirilir. Bəs həqiqətən onlar sadəcə “üst sıralara çatmaq istəyirik” deməklə öz bizneslərini ən üst pillələrə çatdıra bilirlər? Əlbəttə ki, xeyr! Bu işi yerinə yetirmək üçün böyük planlaşdırma və ən vacibi isə proqramlaşdırma tələb olunur. Şirkətinizdə satış və marketinqi biznesinizlə eyni anda idarə etmək olduqca çətindir. Məhz buna görə də, işə başladığınız mərhələdən etibarən sizə kömək edə biləcək xüsusi proqramlar lazımdır. Beləliklə, işinizi gücləndirmək və hədəflərinizi daha da yüksək tutmaq üçün köməkçi rol oynaya biləcək Müştəri Əlaqələrinin İdarəedilməsi (Consumer Relationship Management- CRM) kimi bir proqram seçin. Satış və marketinq üçün CRM, çox sayda funksiyanı həyata keçirmək üçün vacib bir funksiyadır, çünki bütün qarşıya qoyulmuş hədəfləri sürətlə yerinə yetirə bilər.
Bunu bir nümunə ilə göstərək: Satış və marketinqin olduqca aktiv olduğu bir şəhərdə öz biznesinizi qurmaq, bununla da satışlarınızı artırmaq və daha yaxşı marketinq ilə daha çox investisiya qoyuluşu istəmək kimi hədəflərinizin olduğundan 100% əminik, elə deyilmi?
Əgər yerinə yetirmək istədiyiniz budursa, bunu CRM proqramı ilə rahatlıqla həyata keçirə bilərsiniz . Bu proqramla, istədiyiniz hədəflərə daha yaxşı çata bilə və bir çox işinizi eyni anda idarə edə bilərsiniz.
Bundan başqa, əgər satış və marketinq işinizin bir parçasıdırsa, CRM proqramından istifadə etməyiniz üçün bir çox səbəb var. Bu bloqda sizlərə həmin səbəbləri göstərəcəyik, ona görə də blogumuzun uzun olmasına baxmayaraq, oxumağa davam edin.
Satış və Marketinq prosesləri üçün CRM-ə üstünlük verilməsinin 5 əsas səbəbini sizlərə təqdim edirik:
1) Müştərilərlə yaxından əlaqə qurmaq üçün möhtəşəm bir vasitədir!
CRM kimi proqram, istədiyiniz informasiyaları əldə edə və bunları sizə təqdim edə bilər və siz bununla da, müştərilərinizlə əlaqəni daim tənzimləyə bilərsiniz. Heç bir şirkət müştərilərlə əlaqələrini rahat idarə etmə fürsətini əldən verməz və satış və marketinq buna nümunədir.
2) İzləmək və təhlil aparmaq mümkündür!
Satış və Marketinq üçün CRM proqramından istifadə etməyin ən əsas səbəblərindən biri, siz öz potensial müştərilərinizin bəzi məlumatlarını izləyə və bu məlumatları təhlil edərək mümkün ola biləcək satış faizlərinizi artıra bilərsiniz. Məsələn, müştərilərinizin hansı məhsullara daha çox tələb duyduğunu öyrənib, bu məhsul üzərindən satışınızı artıra bilərsiniz.
CRM bunu edə bilər və mümkün ola biləcək satış gəlirini dəyərləndirə bilər. Siz həmçinin, hansı müştəri namizədinin sizə daha çox və ya daha az gəlir gətirəcəyini də görə bilərsiniz. CRM-in satış təxminlərinizi yaratmaq kimi funksiyası da var.
3) CRM- dən istifadə edərək markanızı böyüdün!
CRM proqramı sizin brendinizi effektiv şəkildə yüksəldə və sizin prioritetiniz halına gələ bilər. Ən əsası CRM, şirkətinizin sosial mediada olan görünümünü idarə edə bilər, ən yaxşı tərəfi isə buna daha az vaxt sərf edə bilərsiniz. Hər hansı bir markanı izləyə biləcək tipdə proqram axtarırsınızsa, təklif siyahımızda ilk CRM-i sınamaqdır. Üstəlik, müştərilərin onlayn fəaliyyəti ilə nələr axtardığını da öyrənmək mümkündür.
4) Eyni tapşırığı təkrarən açmaq mümkün deyil!
Əgər bu blogu hər hansı satış komandası oxuyursa, razılaşa bilərik ki, sizin ən böyük problemlərinizdən biri, bir işi eyni anda müxtəlif insanların təkrarən görməsidir, bu isə böyük vaxt itkisinə səbəb olur. CRM kimi proqramlardan istifadə edərək bu problemi aradan qaldıra, kimsə üçün açılmış tapşırığın təkrardan sizə açılması problemi ilə qarşılaşmaya bilərsiniz. Bununla da, həm vaxtınıza qənaet edə, həm də əsəbinizi cilovlaya bilərsiniz.
CRM, satış həyata keçirən şirkətlər arasında satışın pillə-pillə yüksəlişinə səbəb olan ən məşhur proqramlardan biridir. Satış və marketinq üçün CRM-i seçməklə siz böyük miqdarda pula da qənaət edə bilərsiniz.
5) Marketinq kompaniyalarınıza daha az vaxt sərf edə bilərsiniz!
Əgər marketinq tərəfindən baxarsaq, CRM proqramı sizin üçün daha əlverişli ola bilər. Çünki, CRM, çoxlu ortaq kanalların köməyi ilə marketinq kompaniyalarınızı həyata keçirə və bununla da, vaxtınıza qənaet edə bilərsiniz.
CRM proqramının sizə verəcək üstünlüklərindən bəhs etmişkən, sizə satış və marketinq üçün ən yaxşı 3 CRM proqramını təqdim edirik:
1) Nutshell
- Müştəri namizədlərinizə cəld bir şəkildə gözdən keçirmək üçün istifadə edə bilərsiniz;
- Əlaqələrin idarə edilməsi və satışın avtomatlaşdırılması üçün ən yaxşı vasitədir;
- Coğrafi məkana əsasən müştərilərinizi müəyyən etmə funksiyası mövcuddur.
2) Zoho
- Bu proqramdan istifadə edərək müştərilərinizi dərhal SMS və ya e-poçt vasitəsilə izləyə;
- SugarCRM tətbiqindən istifadə edərək marketinq qrupunuzu inkişaf etmiş bir hala gətirə;
- Hər hansı bir üçüncü tərəflə inteqrasiya edə bilərsiniz.
3) Keap
- Bu proqram e-ticarət üçün olduqca yaxşıdır;
- Keap proqramı, xüsusi bir təklif yarada biləcəyiniz üçün satışın avtomatlaşdırması xüsusiyyətini təklif edir;
- Satış və marketinq layihələrinizlə əlaqədar burada pillə-pillə idarəçilik sistemindən istifadə edə bilərsiniz.
Son olaraq, CRM proqramından istifadə edərək, biznesinizi əvvəlki halından daha yüksək mərtəbəyə qaldıra və daim inkişaf etdirə bilərsiniz. Satış və Marketinq üçün CRM, həmişə gələcək hədəflərinizi daha da parlaqlaşdırmaq və işinizdə yaxşı hala gətirmək üçün, böyük bir şansınızın olduğu bir nəticəyə əsaslanan həll yolları təklif edir. Bu proqramlardan istifadə edərək öz biznesinizi daha rahat idarə edə bilərsiniz!
Mənbə: www.medium.com
Müştəri məmnuniyyəti: Xoşbəxtlik təcrübəsinin sirri haqqında məqaləyə nəzər yetirmək üçün buraya klikləyin.
