İyunun 30-da 27-ci fəaliyyət ilini qeyd edən “Rabitəbank” ASC üçün 2020-ci il müstəsna il oldu. “Rabitəbank” ölkədə COVİD-19 virusu ilə bağlı karantin rejiminin şərtlərinə uyğun olaraq ad günündə artıq ənənə halını almış korporativ-hesabat tədbirini təxirə saldı. Lakin bununla yanaşı, “Rabitəbank” sərf ediləcək vəsaiti Zəngilan rayonu, Məmmədbəyli kəndi olan doqquz nəfərlik məcburi köçkün ailəsinə sərf etdi. Onların mənzil şəraitinin yaxşılaşdırılması üçün sərf edərək bu ad gününü yaddaqalan etdi.
“Rabitəbank” doğma yurdlarından didərgin düşmüş qaçqın və məcburi köçkünlərə qayğı göstərilməsini daim diqqət mərkəzində saxlamışdır. 29 iyunda Məmmədəmin Rəsulzadə qəsəbəsində məskunlaşmış doqquz nəfər üzvü olan Emiralıyev ailəsini sevindirdi. İllərdir, ev arzusunda olan Emiraliyevlər ailəsinə mənzil şəraitinin yaxşılaşdırılması məqsədilə “Rabitəbank” tərəfindən ailəyə 65.000 AZN birdəfəlik maliyyə yardımı göstərildi. Zəngilan rayonunun Məmmədbəyli kəndindən olan böyük ailənin başçısı Emiralıyev Bilal Xanı oğlu “Rabitəbank”a bu təşəbbüsə görə minnətdarlığını bildirmişdir. O, bu addımın nümunəvi mənəvi hərəkət olduğunu vurğulaşmışdır. Bilal bəy minnətdarlıq edən zaman dedi : “Böyükdən kiçiyə qədər, hər bir ailə üzvümüzün adından “Rabitəbank”a sonsuz təşəkkürümüzü bildiririk, bizi unutmadıqları üçün və səxavətliliyə görə çox sağ olun.”
“Rabitəbank” korporativ sosial məsuliyyət siyasətinə uyğun olaraq 2020-ci ildə də aztəminatlı ailələrin həssas vətəndaş qruplarına rifahının yüksəldilməsi istiqamətində əməli addımlar atmaqdadır və bu addımlar gələcəkdə də davam edəcəkdir.
Rabitəbank”, Azərbaycanın 16 regionu və Bakı şəhərində 25 xidmət məntəqəsi və 68 ATM-i, “Rabitabank Mobile” adlı mobil əlavəsi, İnternet Bankinq və “RabitaBot” adlı çatbotu, 133 nömrəli Çağrı Mərkəzi ilə müştərilərin xidmətindədir.
“Rabitəbank”ın 27-ci yaşında hər kəsi sevindirən kampaniyası! xəbərinə nəzər salmaq üçün buraya klikləyin.
