Pomodoro metodu işləri yüksək səviyyədə bitirməyə kömək edir. Qısa fasilələrlə diqqət həmişə təzə saxlanılır, maksimum fokuslanma təmin edilir və daha az zehni yorğunluq hiss olunur. Bu metod sayəsində səmərəli işləmək və məhsuldarlığı artırmaq mümkündür.
Pomodoro metodunun tətbiqi çox sadədir. Sadə bir saatdan başqa bir şey tələb etmir. Asanlıqla öyrənilir və tətbiq olunur. Səmərəliliyi əldə etmək üçün metoddan 7-20 gün davamlı olaraq istifadə etmək lazımdır. Başladıqdan bir müddət sonra vaxtdan səmərəli istifadə etməyi öyrətsə də, real nəticələr yalnız bu zaman aralığında görünəcəkdir. Tətbiq prosesi çox sadədir. Gün ərzində hər bir iş üçün qısa vaxt aralığı müəyyən olunur və dövri fasilələr verilir. Hər işləmə dövrü “Pomodoro” adlanır. Pomodoro metodunu mərhələləri ilə tətbiq etməyin yolu aşağıdakı kimidir:
1. Hədəflər
Əvvəlcə ediləcək bir iş seçin, qısa zaman aralıqları müəyyən edin və hədəflərinizi sadalayın. Hədəflərinizi kiçik hissələrə bölmək, qısa aralıqlarla işləyə bilmək və tapşırıqları izləmək üçün vacib olacaq.
2. İş
Taymeri 25 dəqiqəyə qoyun və diqqətinizi edəcəyinizi işə cəmləyin və 25 dəqiqə bitənə qədər işləyin. İş vaxtınızı kəsməməyə və ya işdən başqa nəsə ilə məşğul olmamağa diqqət edin. Əlavə etmək istədiyiniz işləri fasilə vaxtınıza təxirə salın və başqalarının sizə mane olmasına imkan verməməyə çalışın.
3. Fasilə
25 dəqiqədən sonra işin hansı hissəsində olursunuzsa olun, mütləq 5 dəqiqə fasilə verin. Bu fasiləni işdən kənar bir fəaliyyətlə qiymətləndirmək metodun ən vacib məqamlarından biridir. Zehni təzələmək üçün işdən uzaqlaşmaq və fərqli bir şəkildə ara vermək lazımdır. Məsələn, hava ala, otaqda gəzə, iş xaricində bir mövzuda mətn oxuya və ya qəhvə içə bilərsiniz.
4. Təkrarlanma
Fasilədən sonra eyni qaydanı təkrarlamağa davam edin və tamamladığınız işləri, pomodoro döngülərini, bölünmələri, tamamlaya bilmədiyiniz döngüləri və işləri qeyd edin. Bu dövrü iş – fasilə – iş – fasilə kimi davam etdirİrsinizsə, fokuslanmağınızı maksimum səviyyədə saxlayacaqsınız.
5. Uzun fasilə
4 Pomodoro zaman dilimi keçdikdən sonra 15-20 dəqiqə kimi uzun bir fasilə verin. Hər 4 Pomodorodan sonra bu uzun fasiləni təkrarlayın. Pomodoro metodu fərqli zaman idarəetmə üsulları ilə qarışdırıla bilər və ya zaman aralıqlarını şəxsin özü düzəldə bilər. 5 dəqiqə ilə 25 dəqiqə uyğun görünsə də, hamının eyni şəkildə tətbiq etməsinə ehtiyac yoxdur. Əhəmiyyətli olan müəyyən iş saatları arasında qısa fasilələr qoymaq və bu dövrü qorumaqdır.
6. Hesabat
Vaxtınızı necə səmərəli istifadə etdiyinizi görmək üçün tutduğunuz siyahıları yoxlayın. Nə qədər Pomodoro dövründə işinizə müvəffəq olduğunuzu, neçəsində bölünmələr olduğunu analiz edin.
Mənbə: pomodoroteknigi.com
Bir şəxs özünü necə ifadə edir? adlı məqaləni mütaliə etmək üçün bura kliklə.
