Məşhur onlayn yayım platforması Netflix, texnologiyaya əsaslanan xəbər saytı Recode tərəfindən paylaşılan son rəqəmlərə görə, dünyada təxminən 183 milyon abunəçiyə sahibdir. Lakin Netflix-i müntəzəm olaraq istifadə edənlər daha çoxdur. Çünki ümumiyyətlə bir Netflix hesabı birdən çox adam tərəfindən istifadə olunur. Bu yaxınlarda Recode-nin paylaşdığı bir hesabata görə, MoffettNathanson adlı müstəqil bir araşdırma firması tərəfindən edilən yeni bir araşdırma bizə bu mövzuda daha dəqiq məlumat əldə etməyə imkan verdi.
MoffettNathanson analitiklərinin araşdırmasına görə, ABŞ-ın Netflix istifadəçilərinin 14% -i xidmətdən eyni evdə yaşamadıqları birinin sahibi olduğu Netflix hesabından istifadə etdiklərini söyləyirlər. Bununla birlikdə, sorğuda iştirak edən Netflix istifadəçilərinin 27% -i eyni evdə yaşadıqları birinin sahibi olduğu Netflix hesabından istifadə etdiklərini bildirdi . Başqa sözlə , tədqiqatda iştirak edən Netflix istifadəçilərinin 41% -i əslində başqasına məxsus olan Netflix hesabından istifadə edir. Eyni zamanda, respondentlərin 5% -i Netflix-i xüsusi və pulsuz bir təqdimat hissəsi kimi istifadə etdiklərini, 55% -lik bir qrup isə Netflix üçün şəxsən ödəniş etdiklərini ifadə etdi.
MoffettNathanson-un təsisçilərindən biri olan analitik Maykl Nathanson-un sözlərinə görə Netflix, heç bir abunə haqqı ödəmədən xidmətdən istifadə edən bəzi insanları yarı müsbət və ya yarı mənfi vəziyyət olaraq görə bilər. Netflix üçün bu vəziyyətin müsbət tərəfi odur ki, Michael Nathanson, Netflix-i hazırda heç bir dəyər ödəmədən istifadə edən təxminən 8 milyon istifadəçinin Netflix məzmununu gec-tez ödəniş etməyə razı olacağını söylədi . Başqa bir baxımdan, ödəniş etməyən istifadəçilər Netflix-in böyümə potensialını azaldırlar.
MoffettNathanson-un araşdırması ilə əldə edilən daha bir diqqətəlayiq nəticə bu idi: Ümumiyyətlə, istifadəçilər Netflix-in məzmunundan daha çox platformanın özünü sevirlər. Tədqiqat iştirakçıları reklamsız olması, serialların epizodlarını izləmə imkanı, ardıcıl və davamlı göstərmək kimi imkanların olmasını əsas göstərirlər (Netflix). Tədqiqatda iştirak edən Netflix istifadəçilərinə platformaya abunə olma səbəbləri ilə əlaqədar bəzi seçimlər təklif edildi və bu seçimləri qiymətləndirmələri istəndi. Nəticəyə görə insanların Netflix-ə abunə olmalarının səbəbləri aşağıdakılardır:
1. Reklamlardan narahat olmamağı xoşlayıram.
2. Nə izləyəcəyimi seçə bilirəm.
3. Dəfələrlə və davamlı olaraq izləyə bilirəm.
4. Şoularınızı bəyənirəm.
5. Filmlərinizi bəyənirəm.
6. Mənim üçün göstərdikləri məzmunu bəyənirəm.
7. Mən laqeydəm, ailəm Netflix-ə abunə olmaq istəyir.
8. Uşaqlar üçün məzmun
Bu göstəricilər , hər biri unikal axın xidməti təqdim edəcək Disney , Apple və AT&T ilə rəqabət etməyə hazırlaşan Netflix üçün həvəsləndirici olmalıdır. Çünki bu şirkətlərin hamısı platformalarına xas olan orijinal məzmunlarla istifadəçilərin diqqətini cəlb etməyi hədəfləyir. Bununla birlikdə, bu sahədə söz sahibi olmaq istəyən yeni oyunçular, istifadəçilərə təklif olunan təcrübənin vacib komponentlərdən biri olduğunu – bəlkə də ən vacib olduğunu nəzərə almalıdırlar.
Mənbə: pazarlamasyon.com
ABŞ-da yerləşən nəhəng banklar və onların tarixi adlı yazımızı oxumaq üçün bura daxil olun.
