Fast food sektorunun böyük adlarından olan Burger King bu yaxınlarda öz loqosunda, məhsul qablaşdırmasında və restoranlarının diyaznında ciddi dəyişikliklər etdi. Artıq dövr dəyişir, demək olar hər şey elektronikləşir və böyük şirkət sahibləri də buna ayaq uydurmaq məcburiyətindədir ki, işlərində ziyan etməsinlər.
Digər böyük fast food markası olan McDonald’s da bu cür yenilik etməyə qərar verib. Rəhbərlik bunun üçün işində dizayn sektorunda ən yaxşı şirkətlərdən olan Pearlfisher agentliyi ilə əməkdaşlığa başlayıb. Bu əməkdaşlıqda məqsəd isə məhsulların qablaşdırmasını daha əyləncəli və gözoxşayan formada etməkdir.
Pearlfisher-in məhsul meneceri olan Matthew Sia bu əməkdaşlıq barədə bunları deyib: “Vəzifəmiz başqalarına da eynisini etməsini asanlaşdıracaq bir sistemi yaratmaq üçün hər menyu obyektində nəyin həqiqətən xüsusi olduğunu tapmaqdır”.
O həmçinin bu ifadələri də səsləndirib: “McDonald’s-ın sadəliyinin ayrıca gözəlliyi var. O ikonik menyuların hər birinin ən özəl və asanlıqla seçilə bilən tapmağı hədəflədik. Etdiyimiz dizayn insanların üzündə təbəssüm yaradacaq tipdəndir. Bu, qablaşdırmanın funksional olaraq bənzərsiz, seçilməsi asan və ən önəmlisi məhsulun duyğusal olaraq sevindirici olmasına şərait yaradar”.
McDonald’s şirkətinin beynalxalq sahədə menyu idarəçisi Barbara Yehling də bu yenilik barədə öz fikrini bölüşüb.
Bu, yenidən dizayn edilmiş sistemi alıcılara təqdim etməkdən qürur duyuruq. Pearlfisher şirkətinin bu yeni dizaynla markamızı yeniləməsinə, menyumuzun peşakarlığının vurğulanmasına və keyfiyyətə olan bağlılığımızı göz önünə gətirdiyi üçün minnətdarıq.
“Loqo yox, marka yox!” adlı məqaləmizi oxumaq üçün linkə daxil olun.
