Bir çoxları tərəfindən Cənubi Koreyanın ən böyük ixracatı olaraq hesab edilən K-Pop, sadəcə dünyanın sürətlə böyüyən fenomenlərdən biri deyil, həm də ən gəlirli sahələrindən biridir. Hazırda dünyanın ən populyar “boy band”-ı olan BTS-in təqribən 4,5 milyard dollar dəyərində olması barədə yayılan şayiələr K-Pop-un necə “gəlirli” olduğunu sübut edir.
Bilet satışları, musiqi yükləmələri və məhsulların xaricində, K-Pop ulduzları sponsorluq yolu ilə sərvətlərini artırırlar. Dünyada böyüyən populyarlıqlarını nəzərə alaraq, aksiyalardan bir pay almaq istəyən markaların qarşısında gözlədikləri çox uzun bir siyahı var.
Bugün K-Pop ulduzları ilə əməkdaşlıq içərisində yayımlanan bir çox kampaniyanı musiqi videolarından ayırmaq çətindir. Bu qlobal əməkdaşlıq nümunələrinə gəlin birlikdə baxaq:
Hyundai x BTS: Positive Energy
Hyundai, BTS-i 2018-ci ildə qlobal marka elçiləri elan etdi və bu il 4 İyun tarixində YouTube-da yayımlanan kampaniyaları ilə təxminən 15 milyon izlənməyə çatdı.
Coca-Cola – Taste the Feeling
K-Pop qrupu NCT 127-nin yer aldığı “Taste the Feeling”, Coca-Cola-nın imza mahnısına bir K-Pop uyğunlaşmasıdır.
Korean Air X SuperM: Safety Video
Səhnələrdə yeni-yeni görməyə başladığımız SuperM, K-Pop-un ən uğurlu qruplarının üzvlərindən ibarət olan, diqqətlə seçilmiş bir “super qrup”-dur. “Korean Air” üçün “Let`s Go Everywhere!” adlı kampaniya videosu futuristik hava limanında çəkilmişdir.
Samsung: All-New Galaxy A with Blackpink
Hal-hazırda Blackpink ilk 24 saat ərzində ən çox izlənilən musiqi videosu rekordunu əlində tutarkən, pərəstişkarlarına təqdim olunan “How You Like That” mahnısı daha 5 Guinness dünya rekordunu qırdı və qrup Spotify-da ən çox izlənilən qız qrupu oldu. Bütün bu populyarlıqdan sonra, əlbəttə ki, əməkdaşlıq gecikmədi və Samsung bu ilin əvvəlində Galaxy A80-nin təqdimatı üçün Blackpink ilə birlikdə əməkdaşlıq etdi.
Samsung: Galaxy X BTS
Samsung K-Pop-dan gözlədiklərini əldə etdi və K-Pop qrupları ilə əməkdaşlığı növbəti kampaniyasında da davam etdirdi.
K-Pop ulduzlarını billboard-lara gətirən yalnız markalar deyil!
K-Pop ulduzlarının sürətlə artan populyarlığının başqa bir sübutu pərəstişkarlarından gəlir. Sadiq fan qrupları ən sevdikləri ulduzların doğum günlərini, geri dönüşlərini və ya ildönümlərini qeyd etmək üçün Koreyanın metro stansiyalarında reklam lövhələrini icarəyə götürürlər. Seul metrosunda 2019-cu ildə BTS üçün 227, EXO üçün 165, Wanna One üçün 159 və NCT üçün 127 reklam sahəsi icarəyə götürülmüşdür.
Dünyada populyarlıqları sürətlə artan bu fenomenlər uzun müddət marketoloqların strategiyalarında yer alacaq kimi görünür.
Mənbə: marketingturkiye.com.tr
E-Ticarətə Amazon-da Başlamaq 2 adlı məqaləmizi oxumaq üçün bura daxil olun.