Son zamanlarda məni sosial şəbəkələrdən izləyənlər Spatrix Platforması barədə az-çox məlumata sahibdir. Lakin məqsədim bu platformadan daha çox insanın, təşkilatın, könüllülərin faydalanmasıdır deyə məqalə yazmağa qərar verdim.
Spatrix qlobal hədəfləri olan bir platformadır. Qlobal hədəflər dedikdə isə “Dayanıqlı İnkişaf Məqsədləri” nəzərdə tutulur. Bildiyiniz kimi, 17 DİM var və Spatrix sizə platforma sayəsində bu istiqamət üzrə həyata keçirdiyiniz layihələri elan edərək könüllülər arasında təbliğ etmək imkanı verir. Nəzərinizə çatdırım ki, platformadan həm təşkilat, şirkət, həm də individual, könüllü olaraq qeydiyyatdan keçmək mümkündür. Qeydiyyatdan keçmək isə sadəcə 2 dəqiqənizi alacaq.
Könüllü olaraq qeydiyyatdan keçdikdə nələr əldə edəcəyik?
Bu platforma ilə Azərbaycanda bir ilkə imza atırıq. Könüllülər (fərdlər) çox vaxt yerli və ya qlobal layihələrdə iştirak etmək üçün saatlarını sərf edir və elə müraciət edirlər. Lakin Spatrix ilə siz istədiyiniz istiqamət üzrə layihəni axtarış edib, müraciət edə bilərsiniz. Həmçinin layihələrdə uğurlu iştirakınıza görə təşkilatlar sizə xallar da verəcək. Qeyd edim ki, platforma blokçein əsasında qurulub, yəni hər bir şey şəffaf, etibarlıdır. Heç kəs sizin məlumatlarınızı silə bilməz.
Spatrix-dən qeydiyyatdan keçmək üçün minimum 16 yaşdan başlayaraq hər kəs qeydiyyatdan keçə bilər və könüllülük təcrübəsi tələb olunmur. Profillərinizdəki məlumatların hamısını düzgün bir şəkildə doldurun ki, dostlarınız sizi rahatlıqla tapa bilsin.
Ümumiyyətlə könüllülüyün nə kimi təsiri var?
Əslində könüllülük hər bir şəxs üçün düşünürəm ki, əhəmiyyətlidir. Fikrimcə könüllü olmağın cəmiyyətdə öz yerimizi tapmağımız cəhətdən müəyyən qədər rolu var. Könüllü olaraq öz bacarıqlarımız üzərində işləyə, təşəbbüskarlıq və liderlik bacarıqlarımızı inkişaf etdirə, sağlam və ümidli gələcək, cəmiyyət üçün çalışa bilərik. Ancaq könüllülük fəaliyyətini düzgün seçilmiş təşkilatda, platformada etməyiniz məsləhətlidir. Çünki vaxtınız gedir, amma onu deyə bilərəm ki, Spatrix ilə həm karyeranıza, həm də şəxsi inkişafınıza töhfə verəcəksiniz.
Spatrix nədir?
Spatrix dünyada könüllü fəaliyyətində iştirak edən təşkilatları və şəxsləri / könüllüləri birləşdirən rəqəmsal platformadır. Sevindirici haldır ki, könüllülər və təşkilatlar arasında şəffaf əməkdaşlığı təmin edən blokçeinə əsaslanan bir sistemə sahibdir, yəni platforma hər kəs üçün şəffaf və etibarlıdır. Hədəfləri qlobaldır, yəni dayanıqlı inkişaf məqsədləri üzərindən irəliləyir və cəmiyyətin inkişafı üçün çalışır.
Spatrix xalları nədir?
İndi isə gəlin Spatrix xallarından bəhs edək. Könüllülər təşkilatların elan etdiyi layihələrdə uğurla iştirak edərsə təşkilatlar onlara xallar təqdim edir və bu xallar da könüllülərin profillərində yığılır. Gələcəkdə könüllülər həmin xalları platformamız üzərindən və ya real pula çevirərək istifadə etmək şansı əldə edəcəklər. Əvvəl də qeyd etdiyim kimi, platforma blokçein əsasında qurulub və xalların saxlanması üçün kriptoqrafiyadan istifadə edir. Blokçein sayəsində isə xallar silinə və dəyişdirilə bilməz. Hər bir şey şəffaf və etibarlıdır.
Spatrix-in hədəfləri nələrdir?
Platformanın hədəfləri qlobaldır, dayanıqlı inkişaf məqsədlərini özü üçün hədəf seçib. Xatırladaq ki, 2015-ci ildə BMT tərəfindən həyata keçirilən tarixi sammitdə dünya liderləri tərəfindən “2030-cu ilədək dayanıqlı inkişaf sahəsində Gündəlik” qəbul edilib və həmin Gündəlikdə 17 Dayanıqlı İnkişaf Məqsədləri əks olunub, 2016-cı ildən isə qüvvəyə minib. Spatrix də ümidli və sağlam cəmiyyət, gələcək üçün çalışır və təşkilatları həmin məqsədlər istiqamətində layihələr təşkil etməyə cəlb edir. Könüllülərə isə yeni imkanlar yaradır ki, onlar da gələcək nəsillər üçün öz səylərini birləşdirsinlər.
Ümumiyyətlə platforma həm gəncləri, həm də yaşlıları ətrafına toplayır. Çünki yaşlı insanlar da cəmiyyətə öz töhfələrini vermək istəyir. Lakin onlar özləri üçün uyğun imkanları tapa bilmirlər. Spatrix sayəsində isə onlar həm vaxtlarını səmərəli keçirəcək, öz inkişaflarına töhfə verəcək, həm də cəmiyyət üçün faydalı olmağa davam edəcəklər.
Spatrix Platformasının hədəfləri qlobal, məqsədi isə inkişafı dəstəkləməkdir!
Elə indi spatrix.net saytına daxil olaraq qeydiyyatdan keçin, gələcəyinizə investisiya etməyə başlayın!
