Karantin müddətində insanlar uzaq yerə getməsələr belə şəhərdaxili avtomobildən istifadə etməkdədir. Bu istifadənin davam etməsi avtomobilə, servis xidmətinin olmasına da tələb yaradır. Performance Center şirkəti, müştəriləri karantin rejimində belə mükəmməl xidmətlə təmin etməyə böyük həvəs göstərir. Cadillac, Chevrolet və Ravon markalarının Azərbaycandakı rəsmi distributoru olmasına baxmayaraq şirkət servis mərkəzləri eyni zamanda 50-dən çox avtomobil markasına servis xidmətləri göstərərək avtomobillərin qayğısına qalır.
Performance Center şirkəti, karantin şərtlərinin pozulmamasına, təmasın qorunmasına çox həssas yanaşaraq böyük diqqət göstərmişdir. Belə ki, ödənişlər zamanı təmassız ödəmələrə üstünlük vermiş, servis mərkəzlərində ara məsafənin qorunmasına xüsusi diqqət yetirmişdir.
Həmçinin, servis mərkəzlərində ustaların maskalarla təmin olunması təqdirə layiqdir. Bundan başqa, gigiyenik qaydalara əməl olunmaqla yanaşı, servis mərkəzlərinin dezinfeksiya edilməsi ilə həm ustaların, həm də müştərilərinin həyatlarına və sağlamlığına qarşı həssas yanaşılmışdır.
Karantin rejimi müddətində bir sıra şirkətlər mübarizə fonduna yardım göstərməklə birliyimizi daha da gücləndiriblər. Fonda pul köçürənlər arasında Performance Center də öz yerini almaqdadır. Şirkət, Koronavirusla Mübarizə Fonduna 100.000 manat yardım göstərmişdir.
Şirkət haqqında
Onu da xatırlatmaq istəyirik ki, Performance Center şirkəti 1997-ci ildə ABŞ istehsalı olan Chevrolet markasının Azərbaycandakı rəsmi dileri kimi fəaliyyətə başlayıb. 2006-ci ilin fevral ayından etibarən şirkət Koreya istehsalı olan Chevrolet avtomobillərin sifarişinə və satışına başlayıb. Daha sonra isə Cadillac və Ravon markalarının da rəsmi distributorluğunu əldə etmişdir. Gələcək aylarda isə şirkətə əlavə olaraq 2 beynəlxalq markanın da gəlməsi gəzən söz-söhbətlər arasındadır.
Şirkət həmçinin avtomobillərin texniki xidməti və ehtiyat hissələrinin sifarişi ilə məşğuldur. Xaricdə təhsil almış ustaları və texniki xidmət işçiləri ilə məşhurlaşan servis mərkəzi öz qapılarını nəinki General Motors avtomobillərinə, həmçinin bütün avtomobillər üçün açmışdır.
Qeyd edək ki, Performance Center mərkəzləri həftənin 6 günü saat 09:00-dan 18:00-a kimi fəaliyyət göstərməkdədir.
