Texnologiya nəhəngi Google, səhvən Android 11-in beta versiyasını yayımlayaraq gündəmə düşmüşdü. Beləliklə, çoxdan gözlənilən Android 11-dəki bəzi yeniliklər də ortaya çıxdı. İndi Google-ın adı başqa bir hadisə ilə gündəmə gəldi.
İnternetdən fəal istifadə edən milyonlarla istifadəçi var. Bu istifadəçilər məlumatlarını verməməyi üstün tutsalar da, bu məlumatları böyük şirkətlər əldə edə bilər. Böyük şirkətlərdən biri olan Google, istifadəçilərin icazəsi olmadan məlumatları topladığına görə məhkəməyə verildi. Google-a 5 milyard dollarlıq cəza ödəməli olduğu iddia edilir.
Bir çox məxfilik problemi ilə qarşılaşan və bu günə qədər milyonlarla dollar cərimə ödəyən Google, istifadəçiləri gizli rejimdə izlədiyi üçün 5 milyard dollarlıq cəza ödəməli ola bilər. ABŞ-ın Kaliforniya ştatındakı federal məhkəmədə açılan iddiaya əsasən Google, istifadəçilərin axtarış keçmişi və məlumatlarını veb-sayt vasitəsi ilə, hətta gizli rejimdə də toplamaqda ittiham olunur.
Google məlumatları toplamağa davam edir.
Chrome-da gizli rejimi açdığınız zaman, axtarış keçmişi və sayt məlumatları kimi məlumatların Chrome tərəfindən saxlanılmadığını deyən bir pəncərə gəlir. Ancaq iddia edilən məlumatlara görə, Google bu mövzuda istifadəçiləri çaşdırır və məlumat toplamağa davam edir.
Republic TV xəbər kanalının verdiyi məlumata görə Google, istifadəçilərinin Google Analytics, Google Ad menecer və bir çox üçüncü tərəf xidmətlər vasitəsi ilə gizli məlumatlarını toplayır. Toplanılan bu məlumatlarda istifadəçilərin hobbiləri, alış-veriş vərdişləri və onlayn axtardıqları hər şey yer alır.
Google-ın bu iddialara cavabı isə sərt oldu. Texnologiya nəhəngi iddiaları tamamilə rədd etdiyini bildirdi. Google sözcüsü Jose Castaneda: “Bu iddialara qəti şəkildə etiraz edirik və onlara qarşı özümüzü müdafiə edəcəyik” deyərək Google-ın iddianı qəbul etmədiyini bildirdi.
Hələlik bir nəticəyə gəlinməyən iddiadan Google-ın necə çıxacağını bir çox insan səbirsizliklə gözləyir. Google indiyədək bütün bu ittihamları rədd etsə də, işin gedişatına əsasən ifadə dəyişikliyi üçün müraciət edə bilər.
Mənbə:
