Hal-hazırda dünyada yayılan pandemiya səbəbi ilə insanların böyük qismi işsiz qalıb. Evdən çıxmağın qadağan olunduğu bu günlərdə pul qazanmaq əhali üçün böyük problemə çevrilib. Lakin evdən çıxmadan da pul qazanmaq mümkündür. Necə? Bu yazını oxuyaraq öyrənə bilərsiniz.
Gəlir əldə etmək üçün mütləq işə gedib, səhərdən axşama kimi işləməyə ehtiyac yoxdur. Evinizdə oturaraq da bunu asanlıqla edə bilərsiniz. Bu üsulla əldə olunan gəlirlər “passiv gəlir” adlanır. Qulağa asan gəlsə də, əslində passiv gəlir əldə etmək zaman, bacarıq və bəzən hətta pul tələb edir. Əsas məsələ işin təməlini möhkəm qoymaqdır. Daha sonra isə müntəzəm şəkildə gəlir əldə edəcəksiniz. Gəlin evdən çıxmadan pul qazanmaq üçün lazımlı 8 vasitə ilə tanış olaq!
1. Əmlak icarəyə vermək
Ölkəmizdə ən çox rast gəlinən passiv gəlir qaynağı budur. Əmlak alqı-satqısı və icarəsi ilə böyük miqdarda pul qazanmaq mümkündür. Ev və ya obyekt alaraq icarə vermək sizə davamlı gəlir qaynağı qazandıracaq. Əgər bunlara sahib deyilsinizsə, evinizin bir otağını və ya avtomibilinizi də icarəyə vermək yaxşı seçim ola bilər.
2. Veb sayt & bloq qurmaq
Az maliyyətlə passiv gəlir əldə etmənin ən gözəl yolu veb sayt və ya bloq qurmaqdır. Lakin bu elə də asan iş deyil. Yaxşı bir veb sayta malik olmaq böyük əmək və zaman tələb edir. Buna sahib olduqdan sonra isə hər gün saytınıza minlərlə insan ziyarət edəcək. Bu isə reklam və satış etmək üçün mükəmməl fürsətdir.
3. Stok saytlarına fotoşəkil satmaq
Evdən pul qazanmağın digər bir üsul isə Shutterstock, iStockPhoto kimi populyar saytlara fotoşəkil satmaqdır. Ancaq bunun üçün şəkil çəkmək bacarığı və “ Photoshop CC” kimi proqramlardan xəbərdar olmaq lazımdır. Təbii ki, bunun üçün həm də keyfiyyətli fotoaparata sahib olmaq vacibdir. Əlavə olaraq əgər əl qabiliyyətiniz varsa, çəkdiyiniz şəkilləri sosyal şəbəkələr üzərindən sataraq pul qazana bilərsiniz.
4. Onlayn kurs yaratmaq
Bu üsuldan istifadə etmək üçün sizin müəllim olmağa ehtiyacınız yoxdur. Əgər hansısa sahədə yüksək biliyə sahibsinizsə, bunu insanlarla bölüşərək həm onlara yardım etmiş olacaqsınız, həm də özünüz gəlir əldə edəcəksiniz. Bunun üçün etməli olduğunuz tək şey izahlı videolar çəkərək Udemy, Youtube vs. kimi platformalarda bölüşməkdir.
5. Bir tətbiq və ya oyun yaratmaq
Yetərli texniki bilgiyə sahib deyilsinizsə, mütəxəssislərin köməyi ilə tətbiq və ya oyun yarada bilərsiniz. Bu işdə əsas məsələ indiyə qədər mövcud olmayan tətbiq ideyasına malik olmaqdır. Bu o demək deyil ki, uğurlu olmaq üçün mürəkkəb və çox funksiyalı bir tətbiq yaratmalısınız. Məsələn Flappy Bird-ün hekayəsinə baxaq: çox sadə quruluşlu, lakin asılılıq yaradan bu məşhur oyunun yaradıcısı reklamlardan gündə 50.000 dollar gəlir əldə etmişdir.
6. Sosial Media İnfluencer’i olmaq
Sosial Media İnfluenceri olmaq üçün özünüzdə insanların marağını cəlb edəcək yetənək və ya xüsusiyyət tapmaq və onun üzərində irəliləmək lazımdır. Artıq yetərli kütləyə sahib olduqdan sonra reklam və sponsorluq təklifləri gəlir axınına səbəb olacaq. Hədəf kütlə və populyarlıq səviyyəsi bu gəlirlərə təsir edən əsas faktorlardır.
7. Kitab yazmaq
Bu üsul da xüsusi bacarıq tələb edir. Kitab yazmaq üçün dünyagörüşünə və fantaziyaya sahib olmaq lazımdır. Hədəf kütlənin maraqlarını dəyərləndirərək yazılmış kitabdan böyük miqdarda qazanc əldə etmək mümkündür. Kitabı çap etmədən də e-kitab şəklində yayımlamaq olar.
8. Dropshipping
Dropshipping Merriam-Webster lüğətinə görə “bir malı topdancıdan müştəriyə çatdırmaq” mənasını verir. Bu işin əsası topdan satıcı ilə müştəri əlaqəsini quraraq bir cür tacir rolunu oynamaqdır. Etibarlı topdan satıcı tapmaq və əldə edilən malları uğurla reklam etdikdən sonra gəlir qazanmağa başlaya bilərsiniz.
Mənbə: goodfinancialcents.com
