Texnologiyanın həm cihaz, həm də sistem olaraq daimi yenilənməsi, fərqli-fərqli innovativ məhsulların ortaya çıxması insan həyatını başqa bir səviyyəyə daşımaqdadır. Çünki üzərində işlədiyimiz texnologiyalar, birbaşa fərdlərin həyatlarına təsir etməklə yanaşı, bunları iş dünyasına da tətbiq edərək çarxı daha da sürətləndiririk. Ancaq bu yeniliklər və sürətli böyümə bizə motivasiyanın və ya gələcəyin marağından daha çox qorxu, həmçinin tərəddüd də gətirdi. İnsanoğlu özünü öz yaratdığı bir texnologiya ilə məhv edəcək qorxusu ilə yaşamaqdadır. Təbii ki, bu məsələ çox qütblüdür. Bəhs etdiyimiz tərəf bunlardan biridir. Bu qorxu var, ya yoxdu? Bəlkə də bilərək cəmiyyətə aşılanır bilmək olmaz. Burada əsas məsələ, qıraq düşüncələri və nüansları qırağa qoyaraq yeniliyin və texnologiyanın arxasınca irəliləməkdir.
Bu yeniliklərdən və əsas qorxuya səbəb olan firmalardan biri də Boston Dynamics-dir. Üzərində çalışdığı robotlara artıq bizi əvəz edəcək qorxusu ilə baxmağa başlamışıq. Həmin firmanın məhsullarından biri olan Spot artıq rəsmi olaraq satışa çıxmışdır. Bu yazıda bu robotun və satışının əsas nüanslarına yer verəcəyik.
Boston-un 4 ayaqlı itə bənzər robotu olan Spot, ilk mərhələdə sadəcə Amerika daxilində satışda olacaq. Amerika xaricində olan firmalar bu mərhələdə bu robotu satın ala bilməyəcək. Yerli firmalar isə shop.bostondynamics.com adlı saytından bu robotu sifariş edə biləcək. Robotun ilkin satış qiyməti isə 74.500 $-ə bərabərdir. Bunun yanında ehtiyat hissələrinin də qiymətinin yüksək olması müzakirə obyektidir. Məsələn, əlavə batareya qiyməti 4.620$, digər tamamlayıcı qurğuların qiyməti isə 15-30 min $ arası dəyişməkdədir.
Bu qiymətlərin bu qədər yüksək olmasının səbəbi çıxan ilk məhsul olduğundan qaynaqlanır. Zamanla bazara yayıldıqca, məhsul özünü formalaşdırdıqdan sonra qiymətin düşməsi qaçınılmazdır. Bu ümumi bir trenddir.
Boston Dynamics robotu Spot üçün satış portalında əsas 3 tanıtım xüsusiyyətini önə çıxarır.
Bunlar:
– Təhlükəli, əlçatmaz və uzaq mühitləri və ya sahələri incələyin və təftiş edin.
– Sahənizlə bağlı data yığımını avtomatikləşdirin.
– Uyğunsuz və bilinməyən ərazilərdə yüklərinizi daşıyın.
Bu xüsusiyyətlər aydındır ki, Spot-un sahib olduğu müəyyən keyfiyyət standartlarına dayanır. Məsələn, 14 kq-a qədər yük daşıya bilir. Sürəti saniyədə 1.6m-dir. 360 dərəcə ətrafı izləyə bilir. -20 və 45 dərəcədə işləyə bilir. (Batareyanın dərəcə standartları fərqlidir) Bu keyfiyyətlərə sahib və ilk məhsul olan bu Spot-un müəyyən insanları qorxuya salmağının əsas səbəbi budur. Sadəcə bu xüsusiyyətlər bir çox iş sahəsinə uyğunlaşdırıla bilir. Bu da deməkdir ki, həmən sahədə çalışan insanlar işsiz qalacaqdır.
Qeyd etdiyimiz kimi, bu qorxu və tərəddüdlər inkişafın qarşını almaq üçün güclü iddia deyildir. Bu robot artıq bir çox sahədə, səmərəliliyə olacaq qatqısı müzakirə edilməkdədir. Covid-19 pandemiyası ilə əlaqədar küçələrdə sosial məsafəyə riayət etməyənlərə xəbərdarlıq edə bilər. Ticarət müəssisələri girişlərində insanların tək-tək deyil, sadəcə qıraqdan analiz ilə bədən temperaturlarını ölçə bilər. Zavod və digər müəssisələrdə ətrafı təftiş edə, lazımi data-nı qısa müddətdə bizə təqdim edə bilər. Bunun kimi yüzlərlə fərqli nüansda bu robot özünə yer tapacaq.
Spot ilə artıq robot dünyası bir addım irəli atıldı. Bu günə qədər məhsul olaraq ortaya qoyulan əsas nəticələrdən biridir. Bunun biznes dünyasına və insanların düşüncələrinə necə təsir edəcəyini yaşayıb görəcəyik.
Boston Dynamics firmasının Spot üçün təqdim etdiyi video-çarxı da əlavə edirik. Klikləyib izləyə bilərsiniz. Əlavə olaraq, bu məhsula bənzər bir robota Black Mirror serialında da yer verilib. Metalhead adlı bölümə də marağı olanlar izləyə bilər. Bu bölümə əsasən tənqidi yanaşılsa da, izləməyə dəyər bir bölümdür.
Mənbə: Webrazzi
