Bəli, başlıqdan da gördüyünüz kimi, bugünkü mövzumuz Azərbaycanda YouTube-dur. Bu mövzu haqqında ürəkaçan məqalə yazmaq istəyərdik. Ancaq hal-hazırda Azərbaycanda olan YouTube kanalları, verilən kontentlər, qeyri-professional şəkildə hazırlanan video montaj və çəkiliş təəssüf ki, bizə bu mövzu haqqında müsbət rəy verə biləcəyimiz bir məqalə yazmağa şərait yaratmır. Düzdür, məqalənin əvvəlində dediyimiz kimi Azərbaycanda olan YouTube kanalları və kontentləri ürək açan olmasa da, bu işi yaxşı yerinə yetirən kanallar da var. Bunlardan biz üçünün adını qeyd edəcəyik.
- ISY TV
- CVN TV
- Belə Belə İşlər
Belə Belə İşlər
Üçüncü adı çəkilən kanal bir çoxlarımıza tanışdır. Kanalın öz imicinin videolara yansıdığını hiss edə bilərik. Bu kanal artıq 3 ildir ki, fəaliyyət göstərir və daha böyük bir kütləyə çatacağından əminik. Kanalın artıq 86.000 izləyicisi olduğunu da qeyd edək.
CVN TV
İkinci adı çəkilən kanal Azərbaycan Gənclər Fondunun nəzdindədir və artıq 2 ildir ki, fəaliyyət göstərir. Dövlətdən maliyyələşməsi və yaxşı kadrın olması maraqlı kontentləri ortaya çıxarır. Böyük ehtimal ki, bu kanal haqqında bir çoxumuzun məlumatı var.
ISY TV
Birinci adı çəkilən kanal isə son 1 həftədir ki, yaranıb və uğurlu bir layihə olacağı ilk iki kontentdən hiss olunur. Bu kanal İqtisad Universiteti ISE fakültəsi tələbələri tərəfindən yaradılıb və daxilindəki kontentlər həmin fakültənin tələbələri tərəfindən hazırlanır. Hətta kanalın adı da fakültənin adına həsr olunub. Bu kanalın bir video-sunu əlavədə yerləşdirəcəyik, izləyib, öz fikirlərinizi bildirə bilərsiniz.
Ümid edirik ki, çox qısa bir zamanda “YouTube Azərbaycan” da dünyanın bəzi ölkələrində olduğu kimi yaxşı bir səviyyəyə çatacaq və biz öz dilimizdə olan kontentlərlə təmin olunacağıq.
Əlavədə söz verdiyimiz video: Bir Məşhurun Hekayəsi – Quentine Tarantino
“Marketinq mövzusunda 10 YouTube kanalı” məqaləsini buraya klikləyərək nəzərdən keçirə bilərsiniz.
