Hazırda Neftçala şəhərində və rayonun bir sıra kəndlərində içməli su problemi müşahidə olunur. Son vaxtlar Kür çayında suyun azalması səbəbindən codluğun yüksəlməsi suyun keyfiyyətinə təsir edib və onu içməyə yararsız vəziyyətə gətirib. Buna görə də rayon mərkəzinin, eləcə də 10-dan artıq kənd və qəsəbənin içməli suya olan tələbatı maşınlarla daşınan su hesabına təmin olunur. Bu məqsədlə 15 sudaşıyan nəqliyyat vasitəsi ayrılıb və Salyan şəhərindən Neftçalaya suyun daşınması təmin edilir. Modul tipli sutəmizləyici qurğular quraşdırılmış kəndlərdə isə çənlər daşıma suyu ilə doldurulur və müəyyən olunmuş qrafiklə bulaqlara su verilir.
“Şirin Su” şirkəti Neftçala sakinlərinə ödənişsiz su paylayacaq.
“Şirin Su” şirkətinin müdiri Tural Əliyev bu haqda məlumat verib. O bildirib ki, təmsil etdiyi şirkət tərəfindən mövcud vəziyyətlə əlaqədar Neftçala şəhərinin bir neçə məntəqəsinə içməli su yardımı göndəriləcək:
“Bu addım bizim şirkətin təşəbbüsü olsa da, bir sıra qurumlar, eləcə də, vətəndaşlar da bu kampaniyaya qoşulub. İlkin mərhələdə Neftçala şəhərinin üç məntəqəsinə içməli suların paylanması nəzərdə tutulub.
Bu məntəqələrin seçilməsində şəhərin İcra Hakimiyyətinin nümayəndələri bizə kömək göstərəcək. Məqsəd, az da olsa, vətəndaşların içməli suya olan tələbatını tam təmənnasız qarşılamaqdır”.
Təəssüflə bildirmək istəyirik ki, Kür suyunun azalması nəticəsində Neftçala rayonunun bir neçə kənd və qəsəbəsində…
Posted by Şirin Su on Monday, July 6, 2020
“Şərq Tərəfdaşlığı” ölkələrinin iclasının keçirilməsi haqqında xəbərə nəzər yetirmək üçün buraya klikləyn.
