Fişinq, kiber cinayətkarlar tərəfindən insanların məlumat və ya pulunu oğurlamaq üçün istifadə edilən ən geniş yayılmış hücum metodlarından biridir. Bunu, bir növ təqlid üsulu kimi istifadə edərək həyata keçirirlər. Xakerlər, tez-tez insanlara məşhur brendlər adından e-poçt göndərərək, onları həqiqətən də həmin şirkət tərəfindən göndərildiyinə inandırmaq üçün məşhur brendləri bir vasitə kimi istifadə edirlər.
Kiber mühafizə firması Checkpoint-dən verilən məlumata görə, 2020-ci ilin I rübündə fişinq fırıldağı üçün ən çox təqlid olunan brend Appledir. Sonrakı yerləri isə Netflix, Yahoo və WhatsApp kimi markalar tutur. Firma tədqiqatçıları, təcavüzkarların, Cupertino əsaslı texnologiya nəhənglərin gözlədiyi məhsulun satışa çıxardığı səs-küydən faydalanmağa çalışdıqlarını söylədi.
Fişinq fırıldaqları ən çox Vebdə həyata keçir. Kiber hücumların 59%-i Vebin payına düşür. Covid-19 səbəbilə karantin rejimində insanlar daha çox evdə vaxt keçirdiyindən cihaz istehlakında daha çox mobil cihazlardan istifadə olunur. Mobil cihazlara edilən kiber hücumlar 23% payla ikinci yerə yüksəlib.
Checkpoint-də tədqiqat şöbəsinin məhsul direktoru, Maya Horowitz, hücum edənlərin COVID-19 yayılması səbəbindən dəyişdirilən cihaz istehlakı qaydalarından istifadə etdiklərini söylədi:
Kiber cinayətkarlar, istifadəçilərin tanıdıqları tanınmış markalardan olduğu bildirilən e-poçtlar, veb və mobil tətbiqetmələr vasitəsi ilə yüksək inkişaf etmiş bir fişinq cəhdlərini istifadə edərək istismar etməyə davam edir. Bunu insanlara yüksək endirimli məhsul qazandığını göstərək və ya sadəcə sistemə daxil olmalarını istəyərək edirlər.
Bu ayın əvvəlində yayımlanan bir hesabatda Checkpoint, Netflixə edilən kiber hücumların son iki ayda 2 dəfə artığını açıqladı. Səbəb isə insanların daha çox məzmun istehlakından irəli gəldiyini göstərildi.
E-poçtlarda əldə etdiyiniz bağlantıları yoxlamalısınız və eqzotik endirimlərlə dolu saxta promosyon təkliflər tələsinə düşməməlisiniz. Bundan əlavə, domen adlarını orfoqrafik səhvlər üçün yoxlamaq lazımdır, çünki onlar tez-tez zərərli proqram quraşdırmaq və ya bəzi pullarınızı oğurlamaq üçün bir vasitə rolunu oynayır.
Apple şirkətinin yeni məhsulu haqqında məqaləyə nəzər yetirmək üçün buraya klikləyin.
