Bir müddət əvvəl Apple tərəfindən yeni və ən ucuz iPhone modeli təqdim edildi. Bəzi insanlar bu addımı yuxarıda qeyd etdiyim kimi qiymət strategiyasında uduzmamaq üçün etdiyini düşünür. Ancaq məsələ yalnız o deyil və bu qədər sadə deyil.
Apple mobil telefon bazarında əsas 3 yoldan qazanc əldə edir. Mobil telefon satışından, onların aksesuarlarından və abunəlik xidmətlərindən. Ucuz iPhone həmləsi ilə 1-ci yoldan qazancını düşürə bilər. Ancaq bu demək deyil ki, Apple öz mənfəətindən keçir və ya azaldır. Bu gün Apple istifadəçiləri 1.5 milyard civarındadır. Apple artıq birdəfəlik satışın yanında, bu kütləyə abunəlik əsaslı xidmət satmağa fokuslanır. Sadə bir səbəbi var, istifadəçi sayı artır.. Daha sonra bu mövzuya açıqlıq gətirəcəyik. Yəni aylıq davamlı və stabil gələ biləcək müəyyən səviyyədə bir məbləğ var. Bu deməkdir ki, Apple bu addımında əsas qazanc yollarından 3-cü yola daha çox fokuslanmağı üstün tutub.
Nəyə görə abonəlik xidmətləri Apple üçün bu qədər önəmlidir? Aşağıda Apple firmasının təqdim etdiyi ödənişli xidmətləri qeyd etmişik.
Apple Arcade – 4.99$
Apple Tv+ – 4.99$
News+ – 9.99$
ICloud – 0.99$-9.99$
Apple Music – 9.99$
AppleCare – 7.99$
Bu xidmətləri nəzərdən keçirdikdə görürük ki, Apple firmasının abonəlik gəlirlərinə fokuslanmağı məqsədəuyğundur. Apple firmasının bu strategiyasını bu cür izah edə bilərik. Apple firmasının bir virtual dünyası var. Ora keçid etmək üçün fərqli dizaynda və formada qapılar var. Ancaq bu virtual dünyada hamı üçün eyni olan xidmətlər var. İstifadə etmək üçün qarşılığını ödəməlisiniz. Yəni daha önəmli dünyada və ya ekosistemdə olmaqdır, hansı qapıdan gəldiyinizin çox fərqi yoxdur. Bunu telefon qiymətləri ilə müqayisə etdikdə görürük. iPhone SE 64GB modelini əsas alsaq, qiyməti iPhone XR və XS modelindən 300-600$ fərq edir. Yəni qiymətdə bu qədər endirimə getmək, gəlir mənbəyini digər tərəfə, yəni servislərə əsaslanan abonəlik sisteminə fokuslandırmaqdır. Bunun altında yatan əsas səbəb, Apple firmasının sahib olduğu 1.5 milyardlıq istifadəçi kütləsidir. Bu rəqəmi əsas aldıqda, başa düşmək olar ki, 3-cü gəlir yoluna nəyə görə keçid etmək istəyirlər.
Bu strategiyanın qurulmasında əsas fikrin nə olduğunu anladıq. Əlavə olaraq, bunu dəstəkləyən başqa data da vardır. Sensor Tower araşdırmasına görə ortalama iPhone istifadəçisi 2019-cu il ərzində 100$ iOS tətbiqləri üçün xərcləyib. Bu 2016 rəqəmlərinə nəzərən 2 dəfə çox artış olub deməkdir. Apple ən ucuz iPhone modeli olan SE-ni bazara təqdim etməklə, tətbiq bazarını və tətbiq əsaslı abonəlik sistemini gücləndirməyə fokuslanır. Çünki qeyd etdiyimiz kimi, iPhone telefonlarını yüksək qiymətlərə ala bilməyən insanları da yeni model ilə bu ekosistemə daxil edirlər. Bu da ortalama istifadəçi xərcləmələrini və abonəlik servislərini nəzərə aldıqda, kifayət qədər güclü və böyük bir gəlir artışı ola bilər deməkdir.
Sensor Tower araşdırması Google Play ilə də müqayisəni ortaya qoymaqdadır. Google-un android istifadəçilərinin sayı 2.5 milyard olmasına baxmayaraq, Google Play xərcləmələri 29.3 milyard $ ikən, iOS tətbiqlərinin gəliri 54.2 milyard $ idi. Bu rəqəmləri nəzərə alsaq, Apple firmasının iPhone SE modeli ilə yeni istifadəçiləri öz ekosisteminə qatmaq üçün qiymətdə endirimə getməyi başa düşülən bir addımdır. Çünki az istifadəçi olmasına baxmayaraq, gəliri daha yuxarı olan bir ekosistemdir. Yeni gələcək istifadəçilərin qatqısı böyük olacağı aşkardır.
“Ən populyar 100 Pulsuz onlayn kurs” məqaləsini buraya klikləyərək oxuya bilərsiniz.
Mənbə: Onezero
