Oxuduğumuz kitablar, izlədiyimiz filmlər, gəzdiyimiz yerlər insanlardan daha çox həyatımıza toxunur, onları hətta daxili dünyamıza daha yaxın hiss edirik. İşində uğurlu olan hər kəsin bu kitab tövsiyələri insanları işlərində daha həvəslə irəliləməyə sövq edir. Bəs dünyaca məşhur şirkətlərin rəhbərlərinin tövsiyə etdiyi kitablar ilə tanış olmaq istəyirsinizmi? Elədirsə, bu yazımız sizin üçündür.
Jeff Bezos – Günün Qalıqları (Kazuo İşiquro)
Amazon-u əvvəl onlayn kitab mağazası olaraq təsis edən Jeff Bezos tərəfindən çox vaxt tövsiyə edilən kitab “Günün qalıqları” dır. Nobel mükafatına layiq görülmüş yazıçının bu kitabında İkinci Dünya müharibəsi illərində Darlington əmlakının xidmətçisi Stevens ilə ev işçisi olan xanım Kenton arasındakı münasibət təsvir edilmişdir.
Mark Zuckerberg – Yoxsulluq Portfeli (Daryl Collins, Jonathan Morduch, Stuart Rutherford və Orland Ruthven)
Facebook-un qurucusu Mark Zuckerberg tərəfindən tövsiyə olunan kitab “Yoxsulluq Portfeli” dir. Dünya əhalisinin təqribən 40% -i gündə 2 dollar və daha az miqdar ilə kifayətlənmək məcburiyyətində qalır. Hər kəsin müəyyən miqdarda ehtiyacı var: təhsil, qidalanma, yaşayış kimi ehtiyaclar insanlar üçün zəruri sayılır. Bu ehtiyac çuxurundan çıxmağın mümkün olduğunu heç düşünmüsünüzmü?
Elon Musk – Benjamin Franklin (Walter Isaacson)
Tesla, SpaceX kimi böyük şirkətlərin təsisçisi və icraçı direktoru Elon Musk tərəfindən təklif olunan “Benjamin Franklin” kitabıdır. Benjamin Franklin ABŞ-ın qurucu atalarından biri olmaqla yanaşı ölkənin ən vacib yazarlarından, elm adamlarından, ixtiraçılarından, siyasətçilərindən və diplomatlarından biridir. Məşhur şirkət təsisçisinin təklif etdiyi bu kitab təəccüblü və maraqlı məlumatlarla doludur.
Indra Nooyi – Xarakterə aparan yol (David Brooks)
PepsiCo baş direktoru Indra Nooyi “Xarakterə aparan yol” kitabını təklif edir. Kitab insanın xarakterinə investisiya qoymaq ən azı iş həyatında uğurlu olmağı qədər vacibdir və hətta bu investisiya sizi edəcəyiniz bir çox səhvdən yayındırır.
Richard Branson – Niyə qəfəsdəki quş oxuyur, bilirəm (Maya Angelou)
Kitab tövsiyələri siyahımıza Virgin Group baş direktoru Richard Branson’un ən sevdiyi kitab Maya Angelou’nun “Niyə qəfəsdəki quş oxuyur, bilirəm” kirabı ilə davam edək. Kitabın mövzusu: Müdafiəsiz və zorakılığa məruz qalan kiçik bir qız … Hörmətli və uğurlu bir yetkinə çevrilməzdən əvvəl, irqçilik və xainlik kimi çətinliklərlə qarşılaşmalı və əslində xarakterini formalaşdıran ən vacib şeylər ilə mübarizə aparmaqdadır.
Larry Page – Nikola Tesla özünü ifadə edir (Nikola Tesla)
Google-in həmtəsisçisi Larry Page digər uğurlu liderlərin hekayələrindən ilhamlanır. Xüsusilə, alternativ cərəyan ixtiraçısı Teslanın tərcümeyi-halını əks etdirən kitabı təklif edir. Kitab Teslanın həyatını öz qələmindən izah edir.
Bill Gates – Çovdar tarlasında uşaqlar (J. D. Salinger)
Bütün dünyasının nizamına qarşı üsyankar bir uşağın Milad bayramından öncə başına gələnlərdən bəhs edir. Bu məşhur kitab Microsoft CEO-su Bill Geytsin ən sevimli kitabıdır.
Steve Jobs – Yenilikçinin dilemması : İş tərzinizi dəyişdirəcək bir kitab (Clayton M. Christensen)
“Apple” şirkətinin qurucusu və keçmiş baş direktoru Steve Jobs bu kitabın onun işləmə tərzinə dərin təsir etdiyini qeyd edir.
Mənbə: pazarlamasyon.com
