Texnologiya sürətlə inkişaf edir, buna görə əlbəttə ki, bu tendensiyaların bəziləri texnologiya ətrafında mərkəzləşmişdir. Bununla belə, brendlər və istehlakçılar arasında qarşılıqlı əlaqələrin rəqəmsallaşmasının və avtomatlaşdırılmasının qarşısının alınması, həmçinin marketinqi daha insani etmək istəyi də mövcuddur. Bu yazımızda sizə rəqəmsal marketinq trendləri barəsində danışacağıq.
2020-ci il ərzində, süni intellekt və marketinq kimi texnologiyaların böyük tendensiyaları olsa da, bütün diqqət texnologiyalara deyil, insanlara yönəldiləcək.
Xülasə:
· Növbəti 8 ay ərzində üstünlük təşkil edəcək Marketing tendensiyalarına müştəri təcrübəsi, işçilərin bağlılığı və məzmunların vizuallaşdırılması daxildir.
· “Marketinq” anlayışı daim dəyişir və daha da genişlənir.
· Marketoloqlar mükəmməl müştəri təcrübəsindən yararlanmaq və uzunmüddətli əlaqələr qurmaq üçün digər şöbələri ilə birlikdə işləməlidir.
1. Müştəri təcrübəsi
2020-ci il müştəri ili hesab olunur. Biz marketinq anlayışında təsəvvürlərdə böyük bir dəyişiklik olduğunu müşahidə edirik. Marketinq daha insanları şirkətinizdən məhsul, xidmət almağa və ya onunla işləməyə razı salmaq cəhdi deyil. Əsas istiqamət insanların daha çox məhsul, xidmət üçün geri gəlməsinə nail olmaqdır. Siz pozitiv işgüzar mədəniyyətin yaradılmasına və əla xidmətin göstərilməsinə diqqət yetirəndə, marketinq, demək olar ki, öz qayğısına qalır.
Onlayn məzmunun çoxalması istehlakçılara daha çox güc verdi. Məhsulları araşdırmağa gəldikdə isə onlar artıq passiv tərəf deyil. Məhsullarınızın nə qədər yaxşı olduğunu söyləməyinizi gözləmirlər. Buna görə də, onlara yalnız məlumatdan daha çox şey təklif etməlisiniz.
Müştəri təcrübəsi marketinqdə ən tanınmış termindir. İnsanların 73% -i müştəri təcrübəsinin alış-veriş qərarlarında əhəmiyyətli bir faktor olduğunu söyləyir.
Səmərəlilik, rahatlıq, məlumatlılıq, gülərüzlü xidmət, eləcə də sadə ödəniş üsulları- insanların müştəri təcrübəsində ən çox qiymətləndirdiyi şeydir. Müasir texnologiyalar, fərdiləşdirmə, asan mobil təcrübə, brendin imici və dizayn-bütün bunlar ümumi müştəri təcrübəsinə əsaslanır.
Başqa sözlə, müştəri təcrübəsini marketinq strategiyanızın hər bir aspektində nəzərə almağınız vacibdir. Bu müştəri sədaqətini təmin etmək və yenilərini cəlb etmək üçün böyük təcrübəni təmin edə bilər.
2. İşçilərin cəlb edilməsi
Effektiv və gülərüzlü xidmət mükəmməl müştəri təcrübəsinin təməl daşıdır, bunu təmin etməyinizdən necə əmin ola bilərsiniz? Cavab, əlbəttə ki, sizin işçilərinizdədir. Əgər əməkdaşlar müştəriləri yaxşı məlumatlandırmasa, pis münasibət göstərsə, istehlakçıların 46%-i brenddən imtina edəcək.
İşçiləriniz markanızın simasıdır, buna görə işçiləriniz və müştəriləriniz arasında qarşılıqlı əlaqədə konsentrasiya marketinq strategiyanızın əsas hissəsi olmalıdır. Bunun üçün hər bir əməkdaşın brendinizin missiyasını və dəyərlərinə uyğun olmasını təmin etmək üçün tədbirlər görmək lazımdır.
Onlar işdə özlərini xoşbəxt hiss etmirsə, müştərilərə qarşı yüksək səviyyədə, həssas və qayğı ilə yanaşma gözləyə bilməzsiniz. Beləliklə, əməkdaşların şirkətə bağlılığına yüksək səviyyədə nail olunması müştəri təcrübəsinin yaxşılaşdırılmasında ilk və ən vacib addımdır.
3. Vizuallaşdırma
Səs axtarışında əldə olunan nailiyyətlər, əlbəttə ki, indi və gələcəkdə məzmunu necə yaratacağımıza təsir göstərsə də, vizual məzmuna laqeyd yanaşmamalısınız. Araşdırmalar göstərir ki, insanlar sadə mətnlə müqayisədə vizual məzmuna daha çox üstünlük verirlər. Bunu görmək üçün Pinterest və İnstagram platformalarının böyüməsinə baxmaq kifayətdir.
Google, Pinterest və bir sıra digər şirkətlər də vizual axtarış texnologiyasına sərmayə qoyurlar. Rəqəmsal marketinq trendləri araşdırmalarına görə vizual elementlərlə məzmun daha yaddaqalandır. Məlumatlar, infoqrafik, şəkillər və video əlavə edilməsi məzmunu daha maraqlı və cəlbedici edir, həm də mesajınızı daha yaxşı assimilyasiya etməyə kömək edir.
4. Fərdiləşdirmə
Məlumatların toplanması və texnologiyaların inkişafı istehlakçıların marka ilə qarşılıqlı əlaqələrindən gözləntilərinə böyük təsir göstərmişdir.
Ənənəvi reklam öz effektivliyini itirir, bəs bunun səbəbi nədir? Cavab- marka və hədəf bazarı arasında real əlaqə yaradan fərdiləşdirilmiş marketinq mesajları.
İstehlakçıların 80% -i Epsilon sorğusuna əsasən fərdiləşdirilmiş təcrübə təmin edən marka ilə işləmək ehtimalının daha çox olduğunu söylədi.
2002-ci ildə “Minority Report” filmində Tom Kruz tərəfindən canlandırılan Con Anderton personajı şəhəri gəzərkən ona adı ilə səslənən fərdiləşdirilmiş reklamlar seriyası ilə bombardman edilir. O zaman bu elmi-fantastika idi, lakin indi demək olar ki, Stephen Spielberg təxəyyül gücü marketinqin gələcəyini təxmin edib. Buradan izləyə bilərsiniz: https://www.youtube.com/watch?v=7bXJ_obaiYQ
Süni intellekt kimi inkişaf etmiş texnologiyalar, sosial şəbəkələrdən və digər mənbələrdən məlumatların artması ilə məzmundan dizayna, məhsullara dair tövsiyələrə və hər şeyin hiper-personalizasiyasına şərait yaratmışdır.
5. Strateji marketinqin transformasiyası
Biznes marketinqi getdikcə daha mürəkkəbləşir. 2020-ci ildə şirkətlərin uğur qazanması üçün onlar yalnız nə etdiklərini və nə edəcəklərini düşünməlidirlər. Sizin marketinq məqsədləriniz biznesinizin ümumi məqsədlərinə uyğun olmalıdır.
Strateji marketinqin transformasiyası-bu prosesin təsviri üçün istifadə olunan termindir. Marketinq çevrilməsinin aparılması şirkətlərə müştəri xidmətini, təcrübəsini yaxşılaşdırmağa, brendin tanınmasını, nüfuzunu artırmağa, nəticədə gəlir və mənfəəti artırmağa kömək edə bilər.
Şirkətlər bu üstünlükləri məlumatların toplanması, müasir texnologiyaların istifadəsi, müştərilərlə əlaqələrin qurulması və keyfiyyətli məzmunun dərc edilməsi sayəsində əldə edirlər. Bütün bunlar yalnız marketoloqlar deyil, şirkətin hər bir şöbəsi və işçisinə təsir edən əsas strategiyanın bir hissəsidir.
Strateji marketinq planı hədəfləri müəyyən edir və məzmun, e-mail marketinqi, SEO, sosial media, reklam o cümlədən, yeni müştəri qazanmaq üçün istifadə ediləcək marketinq taktikalarını müəyyən edir. Sonra o, təşkilatın hər bir hissəsinin bu taktikaya necə cəlb olunacağı planını ortaya qoyur.
6. SERP (Axtarış nəticələri səhifəsi)
Mobil və səs axtarışın artması ilə insanlar Google kimi axtarış motorlarından istifadə qaydalarını dəyişdirirlər. Axtarış nəticələrinin səhifələrində və ya SERP-də bir nömrəli olmaq artıq sizin biznesinizin səy göstərməli olduğu əsas məqsəd deyil.
Siz yəqin ki, Google axtarış sistemində hər il baş verən dəyişiklikləri görürsünüz. Önə çıxan botlar və digər “SERP” məlumatları axtardığınız məlumatı əldə etmək üçün veb-sayta keçməyinizə ehtiyac olmadığını bildirir. Çünki bu, Google axtarış nəticələri səhifəsində mövcuddur.
Ən çox tələb axtarılan mövzular üzvi siyahılardan öncə səhifənin yuxarı hissəsində yerləşir. Bu mövqe “sıfır mövqe” adlandırılmışdır. Ümumilikdə axtarış edən insanların görə biləcəyi tək məlumat olduğundan, çox arzuolunandır. Google tərəfindən geri qaytarılan axtarış nəticələrinin 60% – dən çoxu indi sıfır axtarış nəticələridir.
Markalar hələ də sıfır mövqeyə necə nail olmağı başa düşməyə çalışırlar, çünki bunun üçün SERP-də normal siyahı üçün istifadə ediləndən daha çox SEO üsulları tələb olunur. Əgər siyahıda birinci ola bilsəniz, rəqiblərinizə görə böyük üstünlük qazanacaqsınız.
7. Səsli Axtarış
Rəqəmsal marketinq trendləri demişkən səsli axtarışdan danışmamaq düzgün olmaz. Səsli axtarış markaların məzmun yaratmağa, məhsul və xidmət satışlarına necə əhəmiyyətli təsir göstərməyə davam edəcək.
PwC tədqiqatlarına görə yaxın gələcəkdə səs cihazı istifadə edən 25-64 yaşlı insanların 61%-nin gələcəkdə daha çox səs axtarışından istifadə edəcəklərini düşünürlər.
8. Süni intellekt əsasında avtomatlaşdırma
Biz artıq son bir neçə il ərzində süni intellekt sahəsində böyük nailiyyətlər, eləcə də süni intellekt texnologiyasından və marketinq səylərinə kömək etmək üçün avtomatlaşdırmadan istifadə edən müəssisələrin sayının əhəmiyyətli dərəcədə artdığını görürük.
Süni intellekt səsli axtarışın və intellektual yardımçıların əsasını təşkil edən əsas texnologiyalardan biridir. Bu da indi əvvəlkindən daha çox sayda veb-saytlarda söhbət botlarının yaradılmasına imkan verdi. Süni intellekt texnologiyaları və avtomatlaşdırma brendlərin strateji və fantastik istehlakçı təcrübəsi yaratmasına diqqət yetirmək üçün marketinq çalışmalarına kömək edir.
Süni intellekt və proqnozlaşdırma analitikası tərəfindən dəstəklənən informasiyalar markalara öz auditoriyaları və müştəriləri haqqında daha çox məlumat əldə etməyə kömək edir.
9. Müştəriləri sədaqətinə, loyallıq və müdafiəyə diqqət yetirin
Mükəmməl müştəri təcrübəsinin təmin edilməsinin böyük bir hissəsi müştəri təcrübəsini yeniləri cəlb etmək üçün deyil, mövcud müştərilərinizi saxlamaq üçün istifadə etməkdir.
Daimi müştərilər yeni müştərilərdən daha qiymətlidir. Araşdırmalar göstərir ki, yeni bir müştərinin cəlb edilməsi yenisini qazanmaqdan beş dəfə daha bahalı olur, buna görə də müştərilərinizin razı qalmasına səy göstərməyə dəyər.
Daimi müştərilər, şirkətiniz, məhsullarınız haqqında düşüncələrini ailə və dostları ilə bölüşdükləri üçün markanızın nüfuzunu və tanınmasını artırmağa kömək edirlər.
10. Canlı video
2021-ci ilə qədər canlı video sənayesinin 70 milyard dollardan çox olması gözlənilir. Rəqəmsal marketinq trendləri arasında canlı video istehlakçılar arasında inanılmaz dərəcədə məşhurdur və insanlar əvvəlcədən qeydə alınmış videoya baxmaqdan ziyadə canlı videonu seyr etmək üçün üç dəfə çox vaxt sərf edirlər. Videolar həmçinin istehlakçılar yeni məhsullar haqqında öyrənmək üçün ən məşhur yoldur.
Canlı bir element əlavə edildikdə, bu, videonun daha cəlbedici olmasını təmin edir. Canlı video Facebook və İnstagram auditoriyanızın diqqətini çəkmək üçün ideal vasitədir.
https://marketinginsidergroup.com/marketing-strategy/2020-marketing-trends-you-need-to-know/
