Silsilə olaraq başladığımız “Veb saytınız üçün SEO tövsiyəsi” adlı yazımızın artıq 4-ü hissəsinə çatdıq. Daha öncə yayımlanmış iki yazımızı oxumamısınızsa, aşağıdakı linklərə daxil olaraq oxuya bilərsiniz.
Bu dəfə isə SEO tövsiyəsi 4 yazımızda sizlərə 2 mövzu – Veb saytın istifadəyə yararlı olması və Əlçatımlılıq barəsində danışacağıq. Elə isə başlayaq.
Veb saytın istifadəyə yararlı olması
Veb saytın istifadəçilər üçün istifadəyə yararlı ola bilməsi, SEO çalışmaları cəhətindən çox vacib mövzulardan biridir.
“Yaxşı, gözəl, xoş amma Google axtarış nəticələrində onsuz da istədiyim səhifəni müvafiq istifadəçinin önünə çıxara bilmişəm, veb saytın qalan hissəsinin istifadəyə yararlı olması niyə bu qədər önəmli faktordur?
Önəmlidir. Çünki veb sayt daxilindəki istifadəçinin təkrar gəlməsi və ya gəlmək istəməsini təmin etmək sizin üçün bir hədəf olmalıdır.
Veb saytınızda mövcud olan naviqasiyalar, istifadəçilərə ziyarət etmək istədikləri vacib sahələr barəsində məlumat verməlidir; veb saytın sahibləri haqqında məlumat, əlaqə məlumatları, veb saytın təqdim etdiyi əsas xidmətlər, köməkçi xidmətlər və s. kimi.
Bütün bunları qurarkən, mobil sayt dizaynını nəzərə alaraq veb saytınızı dizayn etməlisiniz. Veb sayt açıldıqdan bəri, heç bir qayda ilə əlavə olunmamış böyük chat-botlar, istifadəçiləri narahat edə bilər. Chat-botlar, müəyyən səhifələrdə, müəyyən qaydalar ilə görünməlidir.
Veb saytdakı bütün dizayn dəyişikliklərini, analitika və digər ölçmə məlumatları datalarını aldığın sistemlərdən gələn datalar ilə qiymətləndirərək, A/B kimi testlər tətbiq etməklə etməlisiniz. Ən çox trafik alan səhifələrdən digər müvafiq səhifələrə link verə bilərsiniz. CTA düymələrinin dizaynı üzərində işləyə bilərsiniz.
Nəticə olaraq, veb saytdakı SEO çalışmaları və veb sayt üzərindəki isfadəçi təcrübəsi olduqca bir-biri ilə çox sıx əlaqəli mövzulardır.
Əlçatımlılıq
SEO tövsiyə olaraq ikinci mövzumuz isə, veb saytlar (proqram, alətlər və s. bu mövzuya daxil olan) düzgün bir şəkildə tərtib edildikdə və kodlandıqda, eşitmə, görmə, hərəkət etmə və ya əqli qüsurlu insanlar tərəfindən də istifadə edilə bilmə vəziyyətində olur.
Məsələn, image alt text-lər, sadəcə şəkillərin axtarış nəticələrində müvafiq istifadəçilərin qarşısına çıxması və ya Google botları tərəfindən indekslənə bilməsi üçün deyil; bublarla yanaşı görmə qüsuru olanlar üçün də yazılması lazımdır. Ya da video məzmuna əlavə olunan altyazılar, təkcə dilin başa düşülməsi və səssiz videoları izləyənlər üçün deyil; eşitmə qüsuru olanlar üçün də edilməlidir.
Funky – Disability Simulator – Plugin ilə veb saytın əlil insanlar üçün nə demək olduğunu görə bilərsiniz.
